قازاقستاندىق فۋتزالدىڭ كوشباسشىسى - الماتىلىق «قايرات» كلۋبى جاڭا ويىنشىمەن تولىقتى
ەندى برازيليالىق رانجەلدىڭ ورنىن ۆەنەسۋەلا قۇراماسىنىڭ ويىنشىسى كارلوس سانز باساتىن بولدى، دەپ حابارلايدى Almaty-akshamy.kz
كلۋبىنىڭ باسپا ءسوز قىزمەتى حابارلاعانداي، كارلوس ۆەنەسۋەلا قۇراماسىن 2014 جىلدان بەرى قولداپ كەلەدى. وڭتۇستىك امەريكالىق سپورتشى «قايراتپەن» 1،5 جىلعا كەلىسىمشارتقا قول قويدى. ەندى سانز الماتىلىق كوماندادا 18ء-شى نومىرمەن ونەر كورسەتەدى.
25 جاستاعى قورعاۋشى ءار جىلدارى يتاليا، حورۆاتيا، پەرۋ جانە ەكۆادور چەمپيوناتتارىندا وينادى.
ءوز كەزەگىندە برازيليا قۇراماسىنىڭ ويىنشىسى رانجەل ءوزىنىڭ تۋعان جەرىندە برازيليالىق «پاتو فۋتزال» كومانداسىندا وينايتىن بولادى.