الماتى وبلىسىندا مەملەكەتكە زالال كەلتىرگەن توقىما فابريكاسىنا قاتىستى تەرگەۋ جۇرگىزىلىپ جاتىر

الماتى وبلىسىندا توقىما فابريكاسى مەملەكەتكە 131 ملن تەڭگەدەن اسا زالال كەلتىرگەن.

الماتى وبلىسى بويىنشا سىبايلاس جەمقورلىققا قارسى قىزمەت دەپارتامەنتى وبلىستىق ەكونوميكالىق تەرگەۋ دەپارتامەنتىمەن بىرلەسىپ جامبىل اۋدانىندا ورنالاسقان ءىرى «ماينينگ» فەرماسىن اشكەرەلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«زاڭسىز ارەكەتتى شەتەلدىك ينۆەستورلارمەن بىرلەسە وتىرىپ، بۇرىنعى ماتا فابريكاسى بولعان «قارعالى» اق اۋماعىندا جۇزەگە اسىرعان. بەلگىلى بولعانداي، ۇيىمداستىرۋشىلار «ماينينگ» فەرماسىن توقىما ءوندىرىسى اتىنان تۇتىنىلاتىن ەلەكتر قۋاتىنىڭ قۇنىن جەڭىلدەتىلگەن تاريف بويىنشا تولەگەن. ءتىنتۋ كەزىندە ماماندار كريپتوۆاليۋتا ءوندىرۋ ءۇشىن ءىرى شيفرلاۋ كەشەنى بار 2800-دەن استام جابدىق تاركىلەندى»،- دەلىنگەن ق ر سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى وبلىسى بويىنشا دەپارتامەنتى جاريالاعان حابارلامادا.

ۆەدومستۆونىڭ اقپاراتىنا سايكەس، الدىن الا باعالاۋ بويىنشا مەملەكەتكە 131 198 909 تەڭگە مولشەرىندە زالال كەلتىرىلگەن.

«قازىرگى ۋاقىتتا تەرگەۋ امالدارى جۇرگىزىلىپ، ساراپتاما تاعايىندالدى. وزگە اقپارات تەرگەۋ مۇددەسىنە ساي جاريا ەتىلمەيدى»،- دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.