پەتروپاۆل پوليسەيلەرى الاياقتىق جاسادى دەگەن كۇدىكپەن «قۇلاگەر» حوككەي كلۋبىنىڭ بۇرىنعى كوماندا جەتەكشىسى سەرگەي ءفيلدى ۇستادى.
سولتۇستىك قازاقستان وبلىسى پوليسيا دەپارتامەنتىنىڭ مالىمەتىنشە، 45 جاستاعى استانا تۇرعىنى قاراعاندى قالاسىندا قولعا تۇسكەن، - دەپ حابارلايدى Aqshamnews.kz.
"ول ەكى نەمەسە ودان دا كوپ ادامعا قاتىستى الاياقتىق جاسادى دەگەن كۇدىككە ءىلىندى. كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا قىلمىستىق ءىس بويىنشا سوتقا دەيىنگى تەرگەۋ امالدارى جۇرگىزىلىپ جاتىر"، – دەپ مالىمدەدى سقو پد باسپا ءسوز قىزمەتى.
ەسكە سالايىق، بۇعان دەيىن سەرگەي فيل رەسەيلىك لەگيونەرلەردەن اقشا الىپ، قازاقستان ازاماتتىعىن تەز راسىمدەپ بەرەمىن دەپ ۋادە بەرگەنى ءۇشىن ىزدەۋگە جاريالانعان ەدى. ونىڭ ىس-ارەكەتىنەن بىرنەشە سپورتشى زارداپ شەككەن.