«قۇلاگەر» اتانىڭىز!

ۇلتتىق سپورت قاۋىمداستىعى ادەبي بايقاۋ جاريالادى.

باس جۇلدە – 2 000 000 تەڭگە، دەپ حابارلايدى Almaty-akshamy.kz

«قۇلاگەر» دەپ اتالاتىن رەسپۋبليكالىق جاڭا ادەبي بايقاۋ 2024 جىلدىڭ 22 قاڭتارى مەن 22 ماۋسىم ارالىعىندا وتەدى.

ماقساتى – ۇلتتىق سپورتتى ناسيحاتتاۋ، قالامگەرلەرگە قولداۋ كورسەتۋ، جاڭا تۋىندىلاردىڭ جازىلۋىنا ىقپال ەتۋ.

شىعارمالار قازاق جانە ورىس تىلدەرىندە قابىلدانادى. جاس شەكتەۋى جوق.

بايقاۋعا بۇرىن-سوڭدى جاريالانباعان، تەك بايقاۋ وتەتىن ارالىقتا عانا جازىلعان شىعارمالار ۇسىنىلۋى كەرەك.

شىعارمالار ۇلتتىق سپورت قاۋىمداستىعىنا رەسمي تۇرلە كىرەتىن تەڭگە ءىلۋ، بايگە، جامبى اتۋ، اۋدارىسپاق، كوكپار، توعىزقۇمالاق، قۇسبەگىلىك، ساداق اتۋ، اسىق اتۋ، جورىق سپورت تۇرلەرى بويىنشا جازىلۋعا ءتيىس.

بايقاۋ نوميناسيالارى:

ۇزدىك پوەزيا؛

ۇزدىك پروزا؛

بالالارعا ارنالعان ۇزدىك شىعارما؛

ۇزدىك كوميكس؛

ۇزدىك دراما؛

ۇزدىك دەرەكتى پروزا؛

ۇزدىك فانتاستيكالىق/ميفولوگيالىق شىعارما.

ءار نوميناسيا بويىنشا ۇزدىك دەپ تانىلعان تۋىندى اۆتورىنا “قۇلاگەر” بايقاۋىنىڭ اۆتورلىق مۇسىنشەسى جانە 2 000 000 (ەكى ميلليون) تەڭگە بەرىلەدى.

بايقاۋعا qulager.ultsport.kz سايتى ارقىلى ءوتىنىش بەرىلەدى.