ەلىمىزدىڭ ءبىرقاتار اۋەجايى شەتەلدىك ينۆەستورلارعا بەرىلۋى مۇمكىن

كولىك مينيسترلىگى بۇل باعىتتا كەلىسسوز جۇرگىزىپ جاتىر.

اقتوبە، تۇركىستان، قىزىلوردا اۋەجايى شەتەلدىك ينۆەستورلاردىڭ باسقارۋىنا بەرىلۋى مۇمكىن، دەپ حابارلايدى Almaty-akshamy.kz

بۇل تۋرالى ۆەدومستۆو باسشىسى مارات قارابايەۆ ۇكىمەت وتىرىسىندا ايتتى.

"ەلىمىزدىڭ اۋەجايلارىندا مۋلتيمودالدى ورتالىقتار قۇرۋ ماقساتىندا قاجەتتى قۇزىرەتى مەن كاپيتالى بار جەكە ينۆەستورلاردى تارتۋ بويىنشا كەشەندى جۇمىستار جۇرگىزىلىپ جاتىر. ونىڭ اياسىندا استانا، الماتى جانە شىمكەنت اۋەجايلارىنا ينۆەستورلار تارتىلىپ، ۇشۋ-قونۋ جولاقتارىن، جانارماي قۇيۋ كەشەندەرىن رەكونسترۋكسيالاۋ، جولاۋشىلار جانە جۇك تەرمينالدارىن كەڭەيتۋ جۇمىستارى كەزەڭ كەزەڭىمەن ىسكە اسىرىلىپ جاتىر"، - دەدى مينيستر.

ونىڭ مالىمەتىنشە، قاراعاندى اۋەجايىندا ينۆەستور ۇشۋ-قونۋ جولاعىن جانە قاجەتتى ارنايى تەحنيكانى جاڭعىرتۋدى جوسپارلاپ وتىر.

"اقتوبە، تۇركىستان جانە قىزىلوردا اۋەجايلارىن وسى سالادا تاجىريبەسى بار جاھاندىق ءىرى ينۆەستورلارعا سەنىمگەرلىك باسقارۋعا بەرۋ بويىنشا كەلىسسوزدەر جۇرگىزىلىپ جاتىر"، - دەپ اتاپ ءوتتى كولىك ءمينيسترى مارات قارابايەۆ..