«باقىتتى وتباسى» باعدارلاماسىنا ءوتىنىم قابىلداۋ كەيىنگە شەگەرىلگەن بولاتىن
بيىلعى 20 ماۋسىمنان باستاپ قازاقستاندىقتار «باقىتتى وتباسى» تۇرعىن ءۇي باعدارلاماسىنا قاتىسۋعا ءوتىنىم بەرە الادى، دەپ حابارلايدى Almaty-akshamy.kz.
«اتالعان باعدارلاماعا كوپبالالى وتباسىلار، ەرەكشە قاجەتتىلىگى بار بالا تاربيەلەپ وتىرعان جانە تولىق ەمەس وتباسى (اجىراسقان ۋاقىتى 3 جىلدان كەم بولماۋى ءتيىس) ساناتىنا جاتاتىن مەملەكەتتىك پاتەر كەزەگىنە تۇرعان وتباسى بانكىنىڭ سالىمشىلارى قاتىسا الادى»، - دەپ حابارلادى بانكتەن.
قارجى ۇيىمى تاراتقان اقپاراتقا سايكەس، ءوتىنىم otbasybank.kz سايتى ارقىلى قابىلدانادى. ياعني بانككە نەمەسە اكىمدىككە بارۋدىڭ قاجەتى جوق.
ەسكە سالا كەتسەك، بۇعان دەيىن «باقىتتى وتباسى» باعدارلاماسىنا ءوتىنىم قابىلداۋدىڭ كەيىنگە شەگەرىلگەنىن حابارلاعان ەدىك.
«وتباسى بانكىنىڭ» باسقارما ءتوراعاسى ءلاززات يبراگيموۆا كەلتىرگەن دەرەككە سايكەس اتالعان تۇرعىن ءۇي باعدارلاماسىن جۇزەگە اسىرۋعا 51 ملرد تەڭگە بولىنگەن.
سونداي-اق 5 مىڭعا جۋىق وتباسى باسپانالى بولادى دەپ كۇتىلىپ وتىر.