جەلىدە بەيتانىس جانداردىڭ تويىنا كىرىپ مەيمان بولۋ ترەندى تارادى. بلوگەرلەر نەمەسە قاراپايىم جەلى قولدانۋشىلارى دا بۇل داستۇردەن قاپى قالىپ جاتقان جوق. مۇنداي جاعدايدا زاڭ بويىنشا شاعىم تۇسىرۋگە بولا ما؟ بۇل قايدان شىققان "باتپان قۇيرىق"؟ اqshamnews.kz ءتىلشىسى زەرتتەپ كوردى.
"قۇدايى قوناقتار" قايدان قاپتادى؟
مۇنداي ءۇردىس TikTok جەلىسىندە ترەندكە اينالدى. بلوگەرلەر باستاعان "كەزدەيسوق تويعا كىرۋ" يدەياسىن جەلى قولدانۋشىلارى دا قايتالاپ ءجۇر. ترەند جۇيەسى بويىنشا ادامدار ساندەنىپ كيىنىپ، كەز كەلگەن تويحاناعا كىرىپ، تانىمايتىن كىسىلەردىڭ قوناعى بولادى. جاي عانا كىرىپ شىعا سالماي، داستارحاننان ءدام تاتىپ، بي دە بيلەپ، اسابانىڭ ويىندارىنا دا قاتىساتىندارى دا تاعى بار. اسىرەسە جازدا توي ماۋسىمى قىزعان شاقتا بوتەن تويعا كىرەتىن "قۇدايى قوناقتار" قاتارى كوبەيدى. ولاردىڭ بۇل ارەكەتتەرىن TikTok-تان ىزدەسەڭىز، قاپتاپ شىعا كەلەدى.
تانىمال ءتىلشىنىڭ تويىنداعى "تانىمايتىن قوناقتار"
ترەندتىڭ تۇساۋىنا جۋرناليست اقبوپە تاڭىربەرگەن دە ءتۇستى. جاقىندا شاڭىراق كوتەرگەن "ەۋرازيا" ءبىرىنشى ارناسىنىڭ ءتىلشىسى الەۋمەتتىك جەلىدە تويىنا تانىمايتىن قىزدار كەلىپ، قوناق بولىپ كەتكەنىن بولىسكەن ەدى. ءبىز بۇل تۋرالى تولىعىراق سۇراپ بىلدىك.
ءتىلشىنىڭ تويىنا بارعان كەزدەيسوق قوناقتار جۇزدەرى جەلىدە "جىلت" ەتكەن سوڭ، اقبوپەدەن ۆيدەونى ءوشىرۋىن سۇراپ، جاعدايدى تۇسىندىرگەن. ولار كەشىرىم سۇراپ، تويعا ترەندتىڭ سوڭىنان قۋىپ كەلگەنىن ايتقان.
"باسىندا جاي كىرىپ شىعامىز، كىشكەن بيلەپ، تاماق ءىشىپ قايتامىز دەپ ويلاعانبىز. ءبىراق، سىزدەردىڭ تويلارىڭىز وتە قىزىق بولىپ، سوڭىنا دەيىن وتىردىق. كەشىرىم سۇرايمىز! ايىبىمىزدى قالاي جۋىپ شايامىز؟"، - دەپ جازعان ەكى قىز.
ال جۋرناليست ولارعا مۇنداي ارەكەتتىڭ دۇرىس ەمەستىگىن ەسكەرتىپ، جاعدايدى جىلى جاپقان. جاعدايدى جەلىدە بولىسكەن سوڭ، وعان "ءبىزدىڭ دە تويدا وسىنداي جاعداي بولعان"، "اس بەرگەنىمىزدە دە بەيتانىس ادامدار كەلىپ، سارقىت تا سالىپ الىپ كەتكەن" دەگەن حاتتار كەلگەن.
شاقىرىلماعان قوناقتار ديماش قۇدايبەرگەننىڭ قارىنداسىنىڭ تويىنا دا بارعان
تامىز ايىندا شىمكەنتتە ديماشتىڭ قارىنداسى راۋشان قۇدايبەرگەننىڭ ۇزاتۋ تويى ءوتتى. بلوگەر اراي سۇلتاننىڭ جازۋىنشا، بۇل تويدا دا "قۇدايى قوناقتار" قوناق بولعان.
"مەنى ۇياتقا قالدىردى. مەيرامحانانىڭ مەكەنجايىن بەلگىلەپ ەدىم، توسىن جاعدايعا ۇلاسىپ كەتتى. ادامدار جابايىلىعىن كورسەتتى. جەتى قىز قالىڭدىقتىڭ قۇربىسى بولىپ، تويعا كەلىپتى. ولار توي جاساپ جاتقانداردىڭ تۋىسقانى دا، تانىسى دا ەمەس. بارىن كيىپ، ساندەنىپ كەلىپتى. بۇل – وتە ۇيات جاعداي. شاقىرىلماعان جەرگە كەلۋ ۇيات ەمەس پە؟! توي يەلەرى ادام باسىنا اقشا تولەيتىنىن ەسكەرىڭىزدەر”، – دەپ جازدى بلوگەر.
ال Threads قولدانۋشىلارى مەكەنجايدى جاريالاعان بلوگەردىڭ ءوزىن كىنالادى.
“ارايدىڭ ءوزى دە بىردەن مەيرامحانانى كورسەتتى”، “ول قىزدار ديماشتىڭ كوزىنە تۇسۋگە بارعان شىعار”، “بلوگەر عانا ەمەس، تويعا كەلگەندەردىڭ ءبارى سالىپ وتىردى”، “راۋشاننىڭ ۇزاتۋ تويى كۇشتى ءوتتى”، “سالما دەپ ەسكەرتىپ تۇرعاندا، نەگە سالادى ەكەن”، “شاقىرىلماعان قوناق، سىپىرىلماعان جەرگە وتىرادى” دەگەن وسى”، – دەپ جازدى كوپشىلىك.
سۋرەت: instagram.com/raushan_kudaibergen
زاڭ نە دەيدى؟
زاڭگەر ارمان ءشارىپوۆ مۇنداي جاعدايدا شىعىن كەلتىرگەن ادامداردىڭ جەكە باسىن انىقتاپ پوليسيا شاقىرىپ، شاعىم تۇسىرۋگە بولاتىنىن ايتتى:
"بۇل جەردە توي يەلەرىنە شىعىن كەلتىرىپ وتىر. سەبەبى توي يەلەرى ءوزىنىڭ ءار قوناعىنا برون جاساپ، اقشاسىن تولەپ قويادى. بوتەن بىرەۋ كەلىپ، سول بروندالعان ورىننىڭ تاماعىن جەيدى. بۇل ارينە قۇقىقبۇزۋشىقىلىق. ماسەلەن، بۇل كەز كەلگەن تاماقتاناتىن ورىنعا بارىپ، اقشاسىن تولەمەي كەتىپ قالۋ دەگەنگە ۇقساس جاعداي عوي. مەنىڭ تاجىريبەمدە مۇنداي جاعداي بولعان. "الاياقتىق" باپى بويىنشا ءىس سوتقا دەيىن جەتىپ، ءبىراق ەكى تاراپ مامىلىگە كەلىپ، تارقاسقان بولاتىن. ال تويعا شاقىرىلىماعان قوناقتىڭ كەلىپ وتىرعانىن كورگەن توي يەلەرى 102 شاقىرىپ، ارىزدانىپ، "الاياقتىق" نەمەسە "ۇرلىق" باپتارى بويىنشا ءىس قوزعاۋىن تالاپ ەتۋىنە بولادى"، - دەيدى مامان.