الماتىدا «تازا قازاقستان» باعدارلاماسى اياسىندا ەكولوگيالىق باقىلاۋ كۇشەيتىلدى

الماتىدا «تازا قازاقستان» باعدارلاماسى اياسىندا ەكولوگيالىق باقىلاۋ كۇشەيتىلدى Cۋرەت: الماتى قالاسى اكىمدىگىنىڭ باسپا ءسوز قىزمەتى

دارحان ساتىبالدى: «تازا قازاقستان» – بۇل قالاعا كۇندەلىكتى قامقورلىق»

الماتى قالاسىنىڭ اكىمى دارحان ساتىبالدىنىڭ توراعالىعىمەن «تازا قازاقستان» باعدارلاماسىنىڭ جۇزەگە اسىرىلۋ بارىسىنا ارنالعان جيىن ءوتتى، - دەپ حابارلايدى Aqshamnews.kz.

كەزدەسۋدە ەكولوگيالىق كۇزگى ايلىقتىڭ قورىتىندىلارى، جالپىقالالىق سەنبىلىك پەن سانيتارلىق تازالىققا باعىتتالعان رەيدتەر مەن الدىن الۋ شارالارىنىڭ ناتيجەلەرى تالقىلاندى.

ەكولوگيالىق ايلىق بارىسىندا مەگاپوليستىڭ بارلىق سەگىز اۋدانىندا سەنبىلىكتەر ۇيىمداستىرىلدى. اسىرەسە، ارىقتاردى تازالاۋعا، ايالدامالار مەن اۋلاىشىلىك اۋماقتاردىڭ رەتتىلىگىنە باسا ءمان بەرىلدى. 

سونىمەن قاتار، تۇرعىندار «جاسىل اۋلا» اتتى ەكولوگيالىق اكسياعا بەلسەنە اتسالىسىپ وتىر. 18-19 قازان كۇندەرى اۋلالار مەن كوشەلەردى كوگالداندىرۋ ماقساتىندا كوشەتتەر تاراتىلادى.


 
قالا اكىمى اتاپ وتكەندەي، «تازا قازاقستان» ەكولوگيالىق باستاما عانا ەمەس، كوممۋنالدىق قىزمەتتەردى، اۋدان اكىمدىكتەرى مەن قالا تۇرعىندارىن ورتاق ماقساتقا بىرىكتىرەتىن جۇيەلى جۇمىسقا اينالدى. دارحان ساتىبالدى جاۋاپتى قىزمەتتەر اراسىنداعى ۇيلەسىمدىلىكتى كۇشەيتىپ، تۇرعىنداردان كەلىپ تۇسەتىن وتىنىشتەر مەن شاعىمدارعا دەر كەزىندە جاۋاپ بەرۋدى جانە ەكولوگيالىق مادەنيەتتى ارتتىرۋ باعىتىندا ءتۇسىندىرۋ جۇمىستارىن جالعاستىرۋدى تاپسىردى.

الماتى پوليسيا دەپارتامەنتىمەن بىرلەسە وتىرىپ، ەكولوگيالىق جانە اكىمشىلىك زاڭنامالاردىڭ ورىندالۋىن قامتاماسىز ەتۋ شارالارى جۇزەگە اسىرىلىپ كەلەدى.

جىل باسىنان بەرى قالا اۋماعىندا جۇزگە جۋىق زاڭسىز قوقىس ۇيىندىلەرى جويىلدى. ولاردىڭ ماتەريالدارى ەكولوگيا دەپارتامەنتى مەن اۋدان اكىمدىكتەرىنە جولدانىپ، ءتيىستى شارالار قابىلدانۋدا. قالا اۋماعى تۇراقتى تۇردە بەينەمونيتورينگ ارقىلى باقىلانىپ، مالىمەتتەر الماتى پوليسيا دەپارتامەنتىنىڭ جەدەل باسقارۋ ورتالىعىنا جىبەرىلەدى. اكىمنىڭ تاپسىرماسىمەن زاڭسىز سۇيىق قالدىقتاردى توگۋگە قارسى كۇرەس تە كۇشەيتىلىپ وتىر.

دارحان ساتىبالدى اتموسفەرالىق اۋانىڭ ساپاسىن ارتتىرۋ، ەكولوگيالىق مونيتورينگ جۇيەسىن دامىتۋ جانە تۇرعىنداردىڭ قالا تازالىعىن ساقتاۋداعى بەلسەندىلىگىن ارتتىرۋدىڭ ماڭىزدىلىعىن اتاپ ءوتتى. اكىم ەكولوگيا باسقارماسى مەن پوليسيا دەپارتامەنتىنە رۇقساتسىز قوقىس توگۋ، ارىق جۇيەلەرىن لاستاۋ سياقتى ەكولوگيالىق زاڭ بۇزۋشىلىقتاردىڭ الدىن الۋ ماقساتىندا تۇراقتى رەيدتەر ۇيىمداستىرۋدى جۇكتەدى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:53

17:45

17:34

17:15

17:05

17:00

16:44

16:35

16:30

16:15

16:07

15:50

15:32

15:07

15:05

14:14

14:02

13:33

12:54

12:35

12:20

12:12

12:03

11:57

11:40