الماتىدا اۆتوكولىكتەردىڭ ەكولوگيالىق تالاپتارعا سايكەستىگىن تەكسەرۋ بويىنشا باقىلاۋ شارالارى ءوتتى، دەپ حابارلايدى aqshamnews.kz
تەكسەرىستەردى «Eco Almaty» ج ش س الماتى قالالىق پوليسيا دەپارتامەنتىمەن بىرلەسىپ، مەگاپوليستىڭ ءارتۇرلى اۋدانىندا اسپاپتىق ولشەۋلەر ارقىلى جۇرگىزدى. بۇل تۋرالى قالالىق ەكولوگيا جانە قورشاعان ورتا باسقارماسىنىڭ وكىلدەرى ايتتى.
ساين مەن دۋلاتي كوشەلەرىنىڭ قيىلىسىندا ماماندار 30 اۆتوكولىكتى تەكسەردى. 16 كولىكتە رۇقسات ەتىلگەن ەكولوگيالىق كورسەتكىشتىڭ ارتۋى تىركەلدى. ونىڭ ىشىندە ەكى زاڭبۇزۋشىلىق ديزەلدى قوزعالتقىشى بار كولىكتەردەن، تاعى 12ء-سى بەنزينمەن جۇرەتىن اۆتوكولىكتەردەن انىقتالدى.
قوسىمشا تەكسەرۋ ءسۇيىنباي داڭعىلى مەن بەكماحانوۆ كوشەسىنىڭ قيىلىسىندا ۇيىمداستىرىلدى. مۇندا 20 اۆتوكولىك تەكسەرىلدى. ەكولوگيالىق نورماتيۆتەردىڭ ارتۋى ديزەل وتىنىمەن جۇرەتىن 6 كولىكتەن انىقتالدى.
جالپى 50 اۆتوكولىك تەكسەرىلىپ، زاڭبۇزۋشىلىقتارعا بايلانىستى 22 اكىمشىلىك حاتتاما تولتىرىلدى. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 334-بابى 1-بولىگىنە سايكەس، شىعارىندىلارىنداعى لاستاۋشى زاتتاردىڭ مولشەرى نەمەسە شۋ دەڭگەيى بەلگىلەنگەن نورمادان اساتىن اۆتوكولىكتەردى پايدالانۋ جەكە تۇلعالارعا 10 ايلىق ەسەپتىك كورسەتكىش، ال زاڭدى تۇلعالارعا 100 اەك مولشەرىندە ايىپپۇل سالۋعا اكەلەدى.
ايتا كەتەيىك، اۆتوكولىكتەردى باقىلاۋ 2025 جىلى 30 جەلتوقساندا بەكىتىلگەن الماتى قالاسىنىڭ اتموسفەرالىق اۋانى قورعاۋ قاعيدالارى اياسىندا جۇرگىزىلىپ جاتىر. قۇجات اۆتوكولىك قۇرالدارىن قوسقاندا، شىعارىندىلار كوزدەرىنە ەكولوگيالىق باقىلاۋدى كۇشەيتۋگە جانە اسىرەسە قولايسىز مەتەورولوگيالىق جاعدايدا اۋانىڭ لاستانۋىن ازايتۋعا باعىتتالعان.