2025 جىل قۋانىشتى جاڭالىقتارعا تولى جىل بولدى. كوپتەگەن تانىمال جۇلدىزدى جۇپ شاڭىراق كوتەرىپ، ءسابي باقىتىن اڭساپ جۇرگەن وتباسىلار جاقسى جاڭالىقتارىن ءبولىسىپ جاتىر. بيىل كىمدەر ءسابي كۇتەدى، كىمدەر وتباسىن قۇردى؟ اqshamnews.kz ءتىلشىسى جيناقتاپ شىقتى.
اكتەر جاحان وتارعالييەۆ ءۇشىنشى رەت شاڭىراق كوتەردى
تانىمال اكتەر جاحان وتارعالييەۆ ءانشى بالجان بيداشپەن اجىراسقان سوڭ اراعا ءبىر جارىم جىلعا جۋىق ۋاقىت سالىپ، بيىل قاڭتاردا ءۇشىنشى مارتە شاڭىراق كوتەردى. اكتەر جاڭا قالىڭدىعىمەن نەكە قيۋ راسىمىنەن تۇسىرىلگەن ۆيدەوسىن جەلىدە جاريالاعان ەدى.
«بۇل – جاڭا ءومىردىڭ باستاماسى»، - دەپ جازدى جاحان وتارعالييەۆ Instagram پاراقشاسىندا.
سۋرەت: ۆيدەودان كادرى
بلوگەر ءجانابىلوۆ 12 جىلدان كەيىن دۇركىرەتىپ توي جاسادى
قازاقستاندىق تانىمال بلوگەرلەر ەربولات ءجانابىلوۆ پەن ەلميرا تولەگەنوۆا 12 جىل وتباسىلىق ومىردەن كەيىن ۇيلەنۋ تويلارىن جاسادى. ولار وتباسىن قۇرعان ۋاقىتتا بلوگەرلەردىڭ توي جاساۋعا جاعدايلارى بولماعان ەكەن. ايەلىنىڭ اق كويلەك كيسەم دەگەن ارمانىن 12 جىلدان كەيىن ورىنداعان ەربولات ءجانابىلوۆ، ناۋرىز ايىندا ءۇش بالاسىنىڭ قاتىسۋىمەن الماتىداعى ەڭ قىمبات مەيرامحانالاردىڭ بىرىندە ۇلان اسىر تويىن اتاپ ءوتتى.
سۋرەت: instagram.com/zhanabylov_e
قازاقستاندىق اكتريسا ءارى ديزاينەر ايجۇلدىز ادايبەكوۆا مەن ەكستريم-بلوگەر ساكەن قاعاروۆ تا ءساۋىر ايىندا زاڭدى نەكەلەرىن قيدى. جاس جۇبايلار نەكەلەرىن راسىمدەگەنى تۋرالى كۋالىكتىڭ سۋرەتىن Instagram پاراقشاسىندا جاريالادى.
سۋرەت: instagram.com/aizhuldyz_adaibekova
قاڭتار ايىندا ساكەن مەن ايجۇلدىز مۇسىلمانشا نەكەگە تۇرعان بولاتىن. ساۋىردە زاڭدى نەكەگە تۇرعان قوس عاشىق، مامىر ايىندا ەرەكشە ستيلدە ۇيلەنۋ تويلارىن جاسادى.
كوپتىڭ قالاۋى بولعان جۇپ
بيىل جۇرت ديانا سكاتوۆا ءۇشىن ەرەكشە قۋاندى. تانىمال "قالاۋلىم" تەلەجوباسىنىڭ جۇرگىزۋشىسى، جۋرناليست ديانا سكاتوۆا ارىپتەسى، ءوزى "دوسىم" دەپ اتاپ جۇرەتىن سۇلتان نۇربەكوۆپەن كوڭىل جاراستىرعانى جايلى جاريالاعان كۇننەن باستاپ الەۋمەتتىك جەلى شۋلاپ كەتتى.
جۇرت وسى ەكى جاننىڭ قوسىلۋىن كوپتەن تىلەيتىن ەدى. حالىقتىڭ ارمانى ورىندالىپ، ەلدىڭ "سۇيىكتى جۇبى" مامىر ايىندا مۇسىلمانشا نەكەلەرىن قيعانىن جەلىدە جاريالادى. كەيىننەن ديانا "سىرعالىم" اتانىپ، قۋانىش ۇستىنە قۋانىش سىيلادى.
"ءومىر – وزدىگىنەن عاجاپ! سول كەرەمەتتى بولىسەتىن ادامىڭ بولسا، ونى كەزدەستىرسەڭ، ول كەرەمەت ەكى ەسەلەنبەي مە؟! اللا تەك جاقسى كۇندەردى بۇيىرسىن! بارشامىزعا! ءبىز ەرلى-زايىپتىمىز" دەپ جازدى سكاتوۆا پاراقشاسىندا.
سۋرەت: ءىnstagram.com/diana_skatova
ەسپانوۆتار اۋلەتىندەگى قۋانىش
جاز ايلارى دا قۋانىشتى جاڭالىقتارمەن جالعاسىپ جاتىر. بەلگىلى ءانشى نۇرلان ەسپانوۆتىڭ ۇلى ولجاس ەسپانوۆ ۇيلەندى. ءدۇبىرلى توي الماتىدا مامىردىڭ اياعىندا بولدى. وردا بۇزار جاسقا جەتكەن ولجاستىڭ تاڭداۋى 23 جاستاعى تارازدىق اينۇر ەسىمدى ارۋعا تۇسكەن. ءقازىر اينۇر ماگيستراتۋرانى اياقتاپ جاتىر.
سۋرەت: instagram.com/espanov_olzhas
مايعازييەۆ اۋلەتىنىڭ "جىل تويى"
تىكەلەي ەفير، 10 جۇرگىزۋشى، 70 موبيلوگراف قىزمەت ەتكەن ءدۇبىرلى تويى. ءانشى ساكەن مايعازييەۆتىڭ ۇلى ادىلەتتىڭ ۇيلەنۋ تويى ءدۇيىم جۇرتتى شۋلاتتى. ماۋسىمدا وتكەن تويدىڭ تىكەلەي ەفيرى 1380 تەڭگەدەن ساتىلىپ، ەلدى ءبىر دۇرلىكتىرگەن ەدى.
800 ادام شاقىرىلعان تويدى ارنايى ۇيىمداستىرۋ ورتالىعى باسىنان اياعىنا دەيىن اتقارىپ شىققان بولاتىن. تويعا قازاق ەستراداسىنىڭ جارىق جۇلدىزدارى كەلىپ، توي ەمەس قۇددى ءبىر كونسەرت وتكەندەي بولىپ، ەلدى تاڭعالدىرعان ەدى.
ارتۋر دا ەندى بويداق ەمەس
بيىل تانىمال بلوگەر ارتۋر اسقار ۇلى (اrchibaaalt - ەسك.) دا شاڭىراق كوتەردى. ونىڭ تاڭداۋى اكتريسا زاميرا سايدوۆاعا تۇسكەن. ولاردىڭ تويى تىكەلەي ەفيردە تەگىن كورسەتىلدى. جاس جۇبايلاردىڭ نەكەلەسۋ سالتاناتىن 50 مىڭنان اسا كورەرمەن تاماشالادى. ۇيلەنۋ تويىندا روزا رىمبايەۆا سىندى ەسترادا جۇلدىزدارى، "دوس مۇقاسان"، "مۋزارت" توپتارى ونەر كورسەتتى.
بلوگەر Instagram الەۋمەتتىك جەلىسىندەگى پاراعىنا بەتاشاردا تۇسىرىلگەن ۆيدەو جاريالاپ، تويعا كىمنىڭ قانشا اقشا اكەلگەنىن دە جازدى. سىيلىق 22 مىڭنان باستالىپ 1 ملن تەڭگەگە دەيىن جەتتى.
ارتۋر اسقار ۇلى – بەلگىلى جۇرگىزۋشى گۇلميرا دايرابايدىڭ ۇلكەن ۇلى. ول بىلتىر قالىڭدىعىمەن مۇسىلمانشا نەكەسىن قيعان ەدى.
سۋرەت: ءىnstagram.com/archibaaalt/
ءسابي كۇتەتىن جۇلدىزدار
ال بيىل ءسابي كۇتەتىن جۇلدىزدار ءتىزىمىن اۋەلى كۇللى قازاق 9 جىل بويى كۇتكەن قۋانىشتان باستايىق. 9 جىل بويى كۇتكەن عاجاپ كۇندە بارشا قازاق قۋانىشتان كوز جاستارىن تىيا المادى. بەلگىلى بلوگەر ەلدوس قادىرحانوۆ (ەلدوس "كولوبوك" ەسىمىمەن تانىس - ەسك.) جۇبايىمەن بىرگە توعىز جىل بويى ارمانداعان ساتكە جەتىپ، ۇلدى بولاتىندارىن جاريالادى.
بلوگەر بۇعان دەيىن بىرنەشە مەديسينالىق وپەراسيادان وتكەنىن، ءسابيلى بولۋ ءۇشىن ۇلكەن سىناقتاردى ەڭسەرگەنىن جاسىرماي ايتىپ كەلگەن. بۇگىندە سول ارمانى ورىندالىپ، پەرزەنت سۇيەتىن كۇنگە جەتكەنىن كوپشىلىككە سۇيىنشىلەپ جەتكىزدى.
"ءسۇيىنشى، قازاق ەلى! اللاعا شۇكىر، جەتتىك وسى كۇنگە. بالاپان، ءبىز سەنى كۇتەمىز"، - دەپ جازعان ول گەندەر پاتيدەن ۆيدەو جۇكتەدى.
سۋرەت: ۆيدەودان سكرين
بىلتىر ەكىنشى رەت تۇرمىسقا شىققان تانىمال بلوگەر ايىم التىنبەكوۆا (aeka.posh - ەسك.) بيىل ءسابيلى بولاتىنىن جاسىرمادى. ول الەۋمەتتىك جەلىدە قۋانىشتى جاڭالىعىن ءبولىستى.
سۋرەت: instagram.com/aeka.posh
ءانشى ايقىن تولەپبەرگەن مەن جۇلدىز ءومىرعالي دە اتا-انا اتانباق. جۇلدىزدى جۇپ جاڭالىقتارىن جاقىندا جاريالادى.
"جاراتقاننىڭ ەرەكشە سىيى. مەن تاعى دا اكە اتانعالى جاتىرمىن. بۇيىرسا، بەسىنشى ءسابيىمىز دۇنيەگە كەلەدى. تاڭعى ۇيقىنى ۇمىتىپ،كىشكەنتايدىڭ يىسىمەن ماس بولامىز" دەپ جازدى ايقىن تولەپبەرگەن.
سۋرەت: instagram.com/aikyn
كوپتى تاڭعالدىرعان جاڭالىق - جۇلدىز ابدۋكاريموۆانىڭ جۇكتىلىگى. اكتريسا الەۋمەتتىك جەلىدە ءوزىنىڭ "جەتىنشى جۇكتىلىگى" جايلى ءبولىسىپ، ەلدى ءبىر شۋلاتقان ەدى.
"2025 جىلعا مەنىڭ جوسپارىم بولعان. الايدا…. ونىڭ ماعان دەگەن جوسپارى ودان دا عاجاپ ءارى قايىرلى!" دەپ جازدى ول جەلىدە.
سۋرەت: instagram.com/zhuldyzabdukarimovaofficial
جوعارىدا شاڭىراق كوتەرگەندەردىڭ تىزىمىنە قوسقان ايجۇلدىز ادايبەكوۆا مەن ساكەن قاعاروۆ تا ءسابي كۇتەدى. جاس وتباسى قۋانىشتارىن جاقىندا جەلىدە بولىسكەن بولاتىن.
سۋرەت: instagram.com/اizhuldyz_adaibekova
قازاقستاندىق بلوگەر ايشا ءادىلحان مەن ءانشى Akha دا جاقىندا اتا-انا بولماق. بۇل تۋرالى بولاشاق انا Instagram پاراقشاسىندا حابارلادى.
