جاڭا مىندەتتەر
«قازاقستان تەمىر جولى» تولىققاندى ترانزيتتىك-لوگيستيكالىق كورپوراسيا بولىپ قايتا قۇرىلادى، دەپ حابارلايدى Almaty-akshamy.kz كومپانيانىڭ رەسمي سايتىنا سىلتەمە جاساپ.
مەملەكەت باسشىسى قاسىم-جومارت توقايەۆ 1 قىركۇيەكتە وتكەن پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىندا ۇلتتىق تەمىر جول كومپانياسىنىڭ جاڭا مىندەتتەرىن اتاپ ءوتتى.
- قازىرگى گەوساياسي جاعدايدى ەسكەرە وتىرىپ، قازاقستان ازيا مەن ەۋروپا اراسىنداعى ماڭىزدى قۇرلىق دالىزىنە اينالۋدا. بىزگە اشىلعان مۇمكىندىكتەردى تولىق كولەمدە پايدالانىپ، شىن مانىندە الەمدىك ماڭىزى بار كولىك-ترانزيتتىك توراپقا اينالۋ كەرەك، - دەپ اتاپ كورسەتتى قاسىم-جومارت توقايەۆ.
ەلدىڭ ترانزيتتىك-كولىكتىك الەۋەتىن دامىتۋ ءۇشىن «قازاقستان تەمىر جولى» ۇلتتىق كومپانياسى تولىققاندى ترانزيتتىك-لوگيستيكالىق كورپوراسيا بولىپ قايتا قۇرىلادى.