كۇزدىڭ باسى جازداعىداي ىستىق بولادى

كۇزدىڭ بۇلاي باستالۋىنا جەرورتا تەڭىزى مەن يران اۋماعىنان جىلى اۋا ماسساسىنىڭ شىعۋى سەبەپ بولادى.

قازاقستان اۋماعىنىڭ باسىم بولىگىندە كۇزدىڭ العاشقى ايى جاز مەزگىلىندەي ىستىق جانە قۇرعاق اۋا رايىمەن باستالادى، دەپ حابارلايدى Almaty-akshamy.kz.

تەك ەلىمىزدىڭ سولتۇستىك-باتىسىندا عانا وتكىنشى جاڭبىر جاۋىپ، كۇن كۇركىرەيدى، جەكەلەگەن اۋدانداردا ەكپىندى جەل تۇرادى.

رەسپۋبليكانىڭ وڭتۇستىك جارتىسىندا كۇندىزگى ۋاقىتتا تەرمومەتر باعانى +35+40°س قورسەتەدى، سولتۇستىك جارتىسىندا +28 +35°س جەتەدى.

ءبىراق ءبىرىنشى ونكۇندىكتىڭ ورتاسىندا رەسەيدىڭ ەۋروپالىق اۋماعىنىڭ اۋداندارىنان سۋىق انتيسيكلوننىڭ ەنۋىنە جانە بيىكتىك جىرانىڭ ورىن اۋىستىرۋىنا بايلانىستى الدىمەن باتىس وڭىرلەردە، سودان كەيىن سولتۇستىك-باتىستا، سولتۇستىكتە، ورتالىقتا، ال ونكۇندىكتىڭ سوڭىندا ەلدىڭ شىعىسى مەن وڭتۇستىگىندە اۋا رايى قۇبىلادى دەپ بولجانىپ وتىر: جاڭبىر جاۋادى، نايزاعاي، بۇرشاق جاۋاجى، جەلدىڭ ەكپىنى 15-28 م/س دەيىن جەتەدى.

ايدىڭ ءبىرىنشى ونكۇندىگىنىڭ ەكىنشى جارتىسىندا اۋا تەمپەراتۋراسى باتىستا، سولتۇستىكتە، سولتۇستىك-باتىستا، ورتالىقتا جانە شىعىستا تۇندە +3+12°س-قا دەيىن، كۇندىز +10+20°س-قا دەيىن تومەندەيدى. سولتۇستىك ايماقتاردا تۇنگى ۋاقىتتا توپىراق بەتىندە 2°س-قا دەيىن ۇسىك ءجۇرۋى مۇمكىن.

ەلىمىزدىڭ وڭتۇستىگىندە، وڭتۇستىك-شىعىسىندا قىركۇيەكتىڭ ءبىرىنشى ونكۇندىگىنىڭ سوڭىندا جانە ەكىنشى ونكۇندىگىنىڭ باسىندا اۋا تەمپەراتۋراسى تومەندەيدى: تۇندە +10+17°س دەيىن، كۇندىز +23+28°س دەيىن.

ايدىڭ ەكىنشى جانە ءۇشىنشى ونكۇندىكتەرىندە قازاقستاننىڭ سولتۇستىك جارتىسىندا اۋا تەمپەراتۋراسى تۇندە +5+13°س-تان +1+6°س-قا دەيىن، كۇندىز +20+28°س-تان +10+15°س-قا دەيىن اۋىتقيدى، كەي كۇندەرى تۇنگى جانە تاڭەرتەڭگى ساعاتتاردا 2°س-قا دەيىن ۇسىك جۇرەدى دەپ بولجانىپ وتىر.

وڭتۇستىك وڭىرلەردە تەمپەراتۋرا ايدىڭ ەكىنشى جارتىسىندا تۇندە +15+23°س-تان +3+10°س-قا دەيىن، تاۋلى اۋدانداردا 1°س دەيىن، كۇندىز +28+33°س-تان +18+23°س-قا دەيىن تومەندەيدى.