ەكونوميكالىق وداق
ءماجىلىستىڭ جالپى وتىرىسىندا «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا ەۋرازيالىق ەكونوميكالىق كوميسسيانىڭ كادر قۇرامىن قالىپتاستىرۋ تەتىگىن ناقتىلاۋ بولىگىنە وزگەرىستەر ەنگىزۋ تۋرالى حاتتامانى راتيفيكاسيالاۋ تۋرالى» زاڭ جوباسى ماقۇلداندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«زاڭ جوباسىندا ەۋرازيالىق ەكونوميكالىق كوميسسياسى لاۋازىمدى تۇلعالارىنىڭ ەڭبەك شارتتارىنىڭ مەرزىمىن وزگەرتۋ، مۇشە مەملەكەتتىڭ كوميسسياعا جۇمىس ىستەۋگە تۇسۋگە نيەت بىلدىرگەن كانديداتتاردى ۇلتتىق ىرىكتەۋدى جۇرگىزۋ مۇمكىندىگى، قىزمەتكەرلەردى مەرزىمى شەكتەلمەگەن ۋاقىتتان 5 جىلدىق كەلىسىمشارتتارعا اۋىستىرۋ، سونداي-اق جۇمىس ىستەپ جۇرگەن قىزمەتكەرلەردى وتپەلى مەرزىمدەرگە اۋىستىرۋ بولىگىندە ەۋرازيالىق ەكونوميكالىق وداق تۋرالى شارتقا تۇزەتۋلەر كوزدەلگەن»، - دەدى ق ر پرەمەر-مينيسترى ورىنباسارى - ساۋدا جانە ينتەگراسيا ءمينيسترىنىڭ مىندەتىن اتقارۋشى سەرىك جۇمانعارين.
ونىڭ ايتۋىنشا، كوميسسيانىڭ لاۋازىمدى ادامدارىمەن (دەپارتامەنت ديرەكتورلارى مەن ولاردىڭ ورىنباسارلارى) جاسالاتىن ەڭبەك شارتتارىنىڭ مەرزىمىن 4 جىلدان باستاپ كوميسسيا القاسىنىڭ جۇمىس مەرزىمىنەن اسپايتىن مەرزىمگە وزگەرتۋ ەسكەرىلگەن. قازىرگى كەزدە كوميسسيانىڭ لاۋازىمدى قىزمەتكەرلەرىنىڭ جۇمىس كەزەڭى كوميسسيا القاسىنىڭ كەزەكتى قۇرامىنىڭ جۇمىس كەزەڭىنە بايلانىستىرىلماعان.
«بۇل جاعداي 4 جىلدىق كەلىسىمشارت مەرزىمىنىڭ اياقتالۋىنا بايلانىستى ديرەكتور نەمەسە ديرەكتورلاردىڭ ورىنباسارلارى كوميسسيا القاسىنىڭ جاڭا مۇشەسىنىڭ الدىنا قويعان مىندەتتەرىن ورىنداۋعا ۇلگەرمەگەن كەزدە، كوميسسيانىڭ جۇمىسىندا قيىندىقتار تۋعىزادى. بۇل رەتتە جاڭا لاۋازىمدى تۇلعالاردى تاعايىنداۋ، سونداي-اق بۇرىن جۇرگىزىلگەن جۇمىسقا تولىققاندى تارتۋ بەلگىلى ءبىر ۋاقىتتى الادى. وسى نورما كوميسسيا القاسىنىڭ جاڭا قۇرامىنىڭ كەلۋىمەن كوميسسيانىڭ لاۋازىمدىق دەڭگەيىن ءبىر مەزگىلدە جاڭارتۋعا مۇمكىندىك بەرەدى» - دەدى ءمينيستردىڭ مىندەتىن اتقارۋشى.
ونىڭ سوزىنە قاراعاندا، كوميسسيا قىزمەتكەرلەرىن مەرزىمسىز ەڭبەك شارتتارىنان 5 جىلدىق شارتقا اۋىستىرۋ قاراستىرىلعان. بۇل تۇرعىدا اتتەستاتتاۋ ناتيجەلەرىن ەسكەرە وتىرىپ، القانىڭ جەتەكشىلىك ەتەتىن مۇشەسىنىڭ ۇسىنۋى بويىنشا اتالعان مەرزىمدى ۇزارتۋ مۇمكىندىگى بولادى.
«قازىرگى كەزدە كوميسسيا قىزمەتكەرلەرىنىڭ ەڭبەك شارتتارىندا كوميسسياداعى ەڭبەك قىزمەتىنىڭ كەلىسىمشارتىن اياقتاۋدىڭ قانداي دا ءبىر مەرزىمدەرى كوزدەلمەگەن. وسى نورمانى ىسكە اسىرۋ كوميسسيانىڭ كادرلىق قۇرامىن جاڭارتۋعا، ونىڭ ىشىندە قازاقستاننىڭ وكىلدىگىن كۇشەيتۋگە، سونداي-اق قازاقستان وكىلدەرىن كوميسسيادا روتاسيالاۋدى جۇرگىزۋگە مۇمكىندىك بەرەدى»، - دەدى سەرىك جۇمانعارين.
ونىڭ پايىمىنشا، زاڭ جوباسىن قابىلداۋ تەرىس الەۋمەتتىك-ەكونوميكالىق نەمەسە قۇقىقتىق سالدارعا اكەپ سوقتىرمايدى جانە رەسپۋبليكالىق بيۋدجەتتەن قوسىمشا قاراجات ءبولۋدى تالاپ ەتپەيدى.