«قازاقستان تەمىر جولى» مەن ونىڭ ەنشىلەس كومپانيالارى قىزمەتىنە مونيتورينگ جۇرگىزىلدى دەپ حابارلايدى almaty-akshamy.kz باسەكەلەستىكتى قورعاۋ جانە دامىتۋ اگەنتتىگىنىڭ سايتىنا سىلتەمە جاساپ.
مونيتورينگ اياسىنا 42 ۇيىمنىڭ 424 قىزمەتىن تەكسەرىلدى.
42 كومپانيانىڭ ىشىندە 14 كومپانيا مونيتورينگپەن قامتىلماعان، ونىڭ ىشىندە: جەتەۋى قازاقستان رەسپۋبليكاسىنىڭ رەزيدەنتتەرى ەمەس، جەتەۋى اكسيالاردىڭ (قاتىسۋ ۇلەستەرىنىڭ) 50% - دان اسپايتىن ۇلەسى بار بىرلەسكەن كاسىپورىندار.
وسىلايشا، تالدانعان 424 قىزمەت ءتۇرىنىڭ 81ء-ى اگەنتتىكتىڭ كەلىسىمىنسىز جۇزەگە اسىرىلىپ كەلگەنى انىقتالدى.
انىقتالعان بۇزۋشىلىقتاردى جويۋ ءۇشىن اگەنتتىك قتج جانە ونىڭ ۇيىمداس كومپانيالارىنا باسەكەلەستىكتى قورعاۋ سالاسىنداعى زاڭناما نورمالارىن بۇزۋدى توقتاتۋ تۋرالى 19 ۇيعارىم شىعاردى.
اتاپ ايتقاندا، قتج، «كەدەنترانسسەرۆيس» اق، «اسكەريلەندىرىلگەن تەمىرجول كۇزەتى» ج ش س، «قازاقستاننىڭ كولىك حولدينگى» ج ش س، «KTZ Express» اق، «KTZ EXPRESS SHIPPING» ج ش س، «تەمىرجولسۋ» اق، «قتج-جۇك تاسىمالى» ج ش س، «قتج-جولاۋشىلار لوكوموتيۆتەرى» ج ش س، «پورت قۇرىق» ج ش س كەلىسىلمەگەن قىزمەت تۇرلەرىن جۇزەگە اسىرۋدى توقتاتۋ نەمەسە ولاردى بەلگىلەنگەن تارتىپپەن كەلىسۋ تۋرالى ۇيعارىم شىعارىلدى.
وسىنداي جۇمىس ايماقتارداعى الەۋمەتتىك سالانىڭ 251 مەملەكەتتىك كاسىپورىنعا دا جۇرگىزىلدى. مونيتورينگ اياسىندا 59 سۋبەكتىنىڭ ىس-ارەكەتتەرىندە بۇزۋشىلىقتار انىقتالدى جانە بۇزۋشىلىقتاردى توقتاتۋ تۋرالى ۇيعارىمدار جولداندى.
2023 جىلعا ارنالعان جوسپارلارعا سايكەس مۇنداي جۇمىس «سامۇرىق-قازىنا» اق-عا كىرەتىن جەكەلەگەن كاسىپورىندار بويىنشا دا جالعاساتىن بولادى، ولاردىڭ ىشىندە: «قازاقتەلەكوم» اق، «قازپوشتا» اق، «سامۇرىق-قازىنا كەلىسىمشارت» ج ش س، «سامۇرىق قازىنا بيزنەس سەرۆيس» ج ش س، «سامۇرىق قازىنا ينۆەست» ج ش س، «قازاقستاندىق اتوم ەلەكتر ستانسيالارى» ج ش س.
انىقتاما: 2022 جىلى مەملەكەتتىڭ كاسىپكەرلىككە نەگىزسىز قاتىسۋىن قىسقارتۋ جونىندەگى كەزەكتى شارا رەتىندە باسەكەلەستىكتى قورعاۋ جانە دامىتۋ اگەنتتىگىنە كۆازيمەملەكەتتىك كاسىپورىنداردىڭ مونيتورينگى بويىنشا قۇزىرەت بەرىلدى. مونيتورينگ جۇزەگە اسىرىلاتىن قىزمەت تۇرلەرىن قۇرۋ، كەڭەيتۋ جانە (نەمەسە) وزگەرتۋ كەزىندە مونوپولياعا قارسى ورگاننىڭ كەلىسىمىن الۋ تۇرعىسىنان كۆازيمەملەكەتتىك كومپانيالار قىزمەتىنىڭ جۇزەگە اسىرىلاتىن تۇرلەرىن سالىستىرۋدى بىلدىرەدى.