سوت ايىپپۇل تولەۋ جازاسىن تاعايىندادى.
الماتىدا سيفرلىق اكتيۆتەردىڭ اينالىمى سالاسىنداعى زاڭسىز كاسىپكەرلىك قىزمەت توقتاتىلدى، دەپ حابارلايدى Almaty-akshamy.kz
قارجىلىق مونيتورينگ اگەنتتىگىنىڭ مالىمەتىنشە، الماتى قالاسىنىڭ تۇرعىنى 2019-2022 جىلدار ارالىعىندا كريپتوۆاليۋتا ايىرباستاۋمەن اينالىسىپ، سول ارقىلى قامتاماسىز ەتىلمەگەن سيفرلىق اكتيۆتەردى زاڭسىز اينالىمعا ءتۇسىرىپ، ءىرى كولەمدە پايدا تاپقان.
تەرگەۋ بارىسىندا ينتەرنەت-رەسۋرس تىركەۋسىز جانە قارجىلىق قىزمەت كورسەتۋگە ليسەنزياسىز ءتۇرلى كريپتوۆاليۋتالاردى ساتىپ الۋ-ساتۋ قىزمەتتەرىن كورسەتكەنى انىقتالدى.
«Binanسe» كريپتو-اميانىنا تۇسكەن قاراجات كولەمى – 693 مىڭ دوللار نەمەسە شامامەن 310 ميلليون تەڭگە، ال 2020-2021 جىلدارداعى جەكە كاسىپتىڭ جالپى جىلدىق كىرىسى 94 ملن تەڭگەگە جۋىقتاعان.