بەدەلدى حالىقارالىق QS Stars Rating System رەيتينگىندە ۋنيۆەرسيتەت جوعارى باعا – «4 جۇلدىز» يەلەندى
QS Stars QS Quacquarelli Symonds (QS) الەمدىك رەيتينگىلەر قىزمەتتەرىنىڭ پورتفەلىنە كىرەدى. بۇل رەيتينگىنىڭ نەگىزگى ەرەكشەلىگى - تالداۋ جوعارى وقۋ ورىندارىن باسقا جوعارى وقۋ ورىندارىمەن سالىستىرۋعا ەمەس، ۋنيۆەرسيتەتتىڭ مىقتى تۇستارى مەن ارتىقشىلىقتارىنا باسا نازار اۋدارۋعا نەگىزدەلگەن.
QS Stars ۋنيۆەرسيتەتتەر قىزمەتىنىڭ كەڭ اۋقىمىن جانە ونىڭ جوعارى حالىقارالىق ستاندارتتارعا سايكەستىگىن كورسەتەتىن 50-دەن استام كورسەتكىشتەر نەگىزىندەگى كەشەندى تالداۋ ناتيجەلەرى بويىنشا جالپى 0-دەن 5+ جۇلدىزعا دەيىنگى شكالا ارقىلى ۋنيۆەرسيتەتتەردى باعالايدى، دەپ حابارلايدى Almaty-akshamy.kz.
QS Stars رەيتينگى بويىنشا اباي اتىنداعى قازۇپۋ (Abai University) 4 سانات بويىنشا «5 جۇلدىز» ماراپاتىنا يە بولدى: «ءبىلىم بەرۋ»، «ونلاين وقىتۋ»، «جۇمىسپەن قامتۋ» جانە «ينكليۋزيۆتىلىك». كەز كەلگەن ۋنيۆەرسيتەت ءۇشىن بۇل ساناتتار ەرەكشە ماڭىزدى، ويتكەنى ولار ۋنيۆەرسيتەت قىزمەتىنىڭ نەگىزگى ءمانىن قامتيدى. «ءبىلىم بەرۋ» ساناتى ستۋدەنتتەردىڭ وقىتۋشى-پروفەسسورلار قۇرامىنا قاتىناسىن، جالپى ستۋدەنتتەردىڭ قاناعاتتانۋىن جانە ءبىلىم ساپاسىنا، سونداي-اق ولاردىڭ الداعى جىلداردا ماگيستراتۋرا مەن دوكتورانتۋرادا وقۋىن جالعاستىرۋ نيەتىن باعالايدى.
QS Stars رەيتينگىنىڭ 5 جۇلدىزىنا باعالانعان جوعارىدا اتالعان ساناتتار (قىزمەت تۇرلەرى)، قوعامعا، ءبىزدىڭ بارلىق ستەيكحولدەرلەرگە ايقىن باعدار بەرەدى - اباي ۋنيۆەرسيتەتىنىڭ ستۋدەنتتەرى سۇرانىسقا يە ماماندىقتار بويىنشا ءداستۇرلى جانە ونلاين وقۋ ارقىلى ساپالى ءبىلىم الادى، مۇنى ءبىزدىڭ تۇلەكتەرىمىزدىڭ جۇمىسقا ورنالاسۋىنىڭ جوعارى دەڭگەيى دالەلدەيدى.
جىلدام وزگەرەتىن تەحنولوگيالىق الەم جانە كۇتپەگەن جەردەن كەلگەن پاندەميا جاعدايىندا، ءبىلىم ۆيرتۋالدى كەڭىستىككە جىلدام اۋىسقاندا، ۋنيۆەرسيتەت سيفرلىق پلاتفورمالارداعى جۇمىسىن قايتا قۇرىلىمداۋعا قول جەتكىزدى، سوندىقتان «ونلاين وقىتۋ» ساناتىندا وقۋ ورنى 5 جۇلدىزعا لايىقتى دەپ تانىلدى. ۋنيۆەرسيتەتكە ينكليۋزيۆتىلىك قاعيداتىن ۇستانۋ نوميناسياسى بويىنشا دا «5 جۇلدىز» بەرىلگەنىن قۋانا اتاپ وتۋگە بولادى. ۋنيۆەرسيتەتتە مۇمكىندىگى شەكتەۋلى ستۋدەنتتەرگە كەڭەس بەرۋ-تاجىريبەلىك قولداۋ كورسەتۋ ورتالىعى جۇمىس ىستەيدى، كىتاپحانا ەرەكشە ءبىلىم الۋعا قاجەتتىلىكتەرى بار ستۋدەنتتەرگە ارنالعان ارنايى ورىندارمەن جابدىقتالعان جانە ت.ب.
ۋنيۆەرسيتەت جۇمىسپەن قامتۋ بويىنشا «5 جۇلدىز» بەلگىسىن الادى دەپ كۇتىلگەن بولاتىن، ويتكەنى QS Graduate Employability Rankings جىل سايىنعى ەسەبىندە - اباي ۋنيۆەرسيتەتى تۇلەكتەرىنىڭ جۇمىسقا ورنالاسۋى بويىنشا الەم ۋنيۆەرسيتەتتەرىنىڭ رەيتينگىسىندە «جۇمىسقا ورنالاسقان تۇلەكتەردىڭ ۇلەسى» كورسەتكىشى بويىنشا 38-ورىنعا يە بولدى. بۇل كورسەتكىش تۇلەكتەردىڭ دە، ۋنيۆەرسيتەتتىڭ دە باسەكەگە قابىلەتتىلىگىنىڭ ەڭ ماڭىزدى كورسەتكىشى بولىپ تابىلادى. اباي ۋنيۆەرسيتەتى ءبىلىم بەرۋ باعدارلامالارىن جوبالاۋ كەزەڭىنەن باستاپ، تاجىريبەدەن ءوتۋ بارىسىندا جۇمىسقا ورنالاسۋعا دەيىن جۇمىس بەرۋشىلەرمەن تىعىز قارىم-قاتىناستا بولادى، دۋالدى وقىتۋ ەلەمەنتتەرىن ەنگىزەدى، پراكتيكالىق بازالاردا كافەدرا فيليالدارىن قۇرادى. ۋنيۆەرسيتەتتە تۇراقتى تۇردە «بوس جۇمىس ورىندارى جارمەڭكەلەرى» وتكىزىلىپ، جۇمىسپەن قامتۋ ماسەلەلەرى بويىنشا كەڭەستەر بەرىلەدى، ستۋدەنتتەرگە جۇمىس ىزدەۋگە ارنالعان ءموبيلدى قوسىمشا جاسالدى. مۇنىڭ بارلىعى تۇلەكتەردىڭ جۇمىسقا ورنالاسۋىنىڭ جوعارى دەڭگەيى تۇرىندە ناتيجەلەرىن بەرەدى. بۇگىنگى كۇنى ءبىزدىڭ تۇلەكتەر ەلىمىزدىڭ تۇكپىر-تۇكپىرىندە جۇمىس ىستەۋدە جانە QS Stars ساۋالناماسى بويىنشا جۇمىس بەرۋشىلەردەن وڭ پىكىرلەرىن الدى.
ينتەرناسيونالداندىرۋ ءوزارا ارەكەتتەسۋدى، حالىقارالىق جانە عىلىمي ىنتىماقتاستىقتى، اكادەميالىق ۇتقىرلىق پەن ستۋدەنت الماسۋدى، شەتەلدىك ستۋدەنتتەر سانى مەن ۇلتتىق سان الۋاندىلىقتى قامتيدى. وسى ءىس-شارالاردىڭ بارلىعى ۋنيۆەرسيتەتتىڭ حالىقارالىق ارەناداعى بەدەلىنە اسەر ەتەدى. بۇل كاتەگوريا بويىنشا ۋنيۆەرسيتەت رەيتينگىسى 4 جۇلدىزدى قۇرايدى. ۋنيۆەرسيتەت الەۋمەتتىك جاۋاپكەرشىلىك قاعيداتىن جۇزەگە اسىرعانى ءۇشىن دە 4 جۇلدىزعا يە بولدى. ۋنيۆەرسيتەتتە قورشاعان ورتانى قورعاۋ، اينالاداعى قوعامعا قىزمەت ەتۋ، ماڭىزدى قايىرىمدىلىق جانە ۆولونتەرلىك جوبالاردى جۇزەگە اسىرۋ ماقساتىندا كوپتەگەن شارالار ۇيىمداستىرىلاتىنى بارشاعا ءمالىم. ماسەلەن، «اكسەلەراتور دوبرا: Izgilik elshisi» ەرىكتىلەر قوزعالىسى رەسپۋبليكالىق دەڭگەيدە كەڭ قولداۋعا يە بولدى.
ۋنيۆەرسيتەت ءۇشىن ماڭىزدى جەتىستىكتىڭ ءبىرى - «پەداگوگيكا جانە پسيحولوگيا» ءبىلىم بەرۋ باعدارلاماسىنىڭ «كۇشتى باعدارلاما» ساناتىنا ەنۋى ءبىزدىڭ مامانداندىرىلعان پەداگوگيكالىق ۋنيۆەرسيتەت رەتىندەگى ماماندىعىمىزدى تاعى ءبىر مارتە راستاپ، ەلىمىزدە عانا ەمەس، الەمدىك دەڭگەيدە دە ءوز ورنىن كورسەتەدى.
ءۇش جۇلدىزبەن باعالانعان عىلىمي-زەرتتەۋ قىزمەتىنىڭ ساناتى ودان ءارى دامۋ نۇكتەسىن كورسەتەتىنىن اتاپ وتكەن ءجون. عىلىمي گرانتتار كونكۋرستارىنا قاتىسۋدى بەلسەندەندىرۋ، بەدەلدى باسىلىمدارداعى جاريالانىمدار سانىن كوبەيتۋ، سايكەسىنشە دايەكسوزدەر سانىن ارتتىرۋ جانە ت.ب. - پەداگوگيكالىق زەرتتەۋ ۋنيۆەرسيتەتىنە اينالۋ جولىندا ەرەكشە كوڭىل بولىنەتىن بولادى.
QS Stars ماقۇلداعان «ءتورت جۇلدىز» - بۇل Abai University – ءدىڭ جاھاندىق ءعىلىمي-بىلىم بەرۋ كەڭىستىگىندەگى باسەكەگە قابىلەتتىلىگى مەن جوعارى اكادەميالىق بەدەلىن مويىنداۋ، ونىڭ ينكليۋزيۆتى ءبىلىم بەرۋ يدەياسىن ۇستاناتىندىعىنىڭ جانە ورنىقتى دامۋ ماقساتتارىنىڭ ءبىرى – «ورنىقتى دامۋ ماقساتىنداعى ءبىلىم» ەكەندىگىنىڭ دالەلى.
