اباي اتىنداعى قازاق ۇلتتىق پەداگوگيكالىق ۋنيۆەرسيتەتى QS Quacquarelli Symonds جاھاندىق جوعارى ءبىلىم تالداۋ اگەنتتىگى جاريالاعان «QS World University Rankings – 2026» رەيتينگىندە الەمنىڭ ەڭ ۇزدىك ۋنيۆەرسيتەتتەرىنىڭ قاتارىنان تابىلدى. ال ورتالىق ازيا مەن قازاقستاننىڭ ىشىنەن ەڭ ۇزدىك پەداگوگيكالىق ۋنيۆەرسيتەتتەردىڭ كوشىن باستاپ تۇر.
بۇگىن حالىقارالىق «QS World University Rankings – 2026» رەيتينگىنە قاتىسۋشى جوعارى وقۋ ورىندارىنا سەرتيفيكاتتار مەن ماراپاتتاردى تابىستاۋ ءراسىمى ءوتتى. جاڭا رەيتينگتە اباي ۋنيۆەرسيتەتى 628-ورىندى يەلەنىپ، وتكەن جىلمەن سالىستىرعاندا بىردەن 43 پوزيسياعا جوعارى كوتەرىلدى (671–680 ارالىعى). وسىلايشا، ۋنيۆەرسيتەت الەمنىڭ ۇزدىك 650 جوعارى وقۋ ورنىنىڭ قاتارىنا كىرىپ، قازاقستاننىڭ الدىڭعى قاتارلى ۇزدىك 4 ۋنيۆەرسيتەتىنىڭ ءبىرى رەتىندە ءوز ورنىن نىعايتتى. سونىمەن قاتار، قازۇپۋ –قازاقستان مەن ورتالىق ازياداعى پەداگوگيكالىق ءبىلىم بەرۋ سالاسىنىڭ كوشباسشىسىنا اينالدى.
اتالعان ماراپاتتى اباي اتىنداعى قازۇپۋ باسقارما توراعاسى-رەكتورى بولات تىلەپ قابىلداپ، ۋنيۆەرسيتەتتىڭ جاھاندىق ءبىلىم كەڭىستىگىندە جوعارى باعالاناتىنىن جەتكىزدى. بۇل رەيتينگتىڭ ءبىلىم بەرۋ ساپاسىن الەمدىك ستاندارتتار دەڭگەيىندە جەتىلدىرۋگە، جوعارى ءبىلىم بەرۋ ۇدەرىستەرىن حالىقارالىق تاجىريبەمەن ۇيلەستىرۋگە جانە جاھاندىق ترەندتەردى باقىلاۋعا مۇمكىندىك بەرەتىنىن ەرەكشە اتاپ ءوتتى.
– بۇل جاي عانا جوعارى باعا ەمەس، بۇل – اباي ۋنيۆەرسيتەتىنىڭ حالىقارالىق ارەناداعى جانە جاھاندىق اكادەميالىق قاۋىمداستىقتاعى جەتەكشى دەڭگەيدە مويىندالۋى. ۋنيۆەرسيتەتتءىڭ وقىتۋ ساپاسىن، حالىقارالىق ارىپتەستىگىن، ينفراقۇرىلىمى مەن ينكليۋزيۆتى جوعارى دەڭگەيىن دالەلدەيتىن ماڭىزدى جەتىستىك. سونىمەن قاتار، ۋنيۆەرسيتەتتىڭ جاھاندىق باسەكەگە قابىلەتتىلىگىن ارتتىرۋعا باعىتتالعان بۇكىل ۇجىمنىڭ جۇيەلى دەكۇندەلىكتى ەڭبەگىنىڭ ناتيجەسى. ۋنيۆەرسيتەت ۇجىمىن شىن جۇرەكتەن قۇتتىقتاي وتىرىپ، جاڭا جەتىستىكتەر تىلەيمىن، – دەيءدى بولات اناپيا ۇلى.
ماراپاتتاۋ شاراسىندا ەلىمىزدىڭ وزگە دە ۇزدىك دەپ تانىلعان 20 جوعارى وقۋ ورنىنا سەرتيفيكات پەن ارنايى بەلگى بەرىلدى. ايتا كەتەيىك، «QS World University Ranking» سەرتيفيكاتتارىن QS كومپانياسىنىڭ باس كوممەرسيالىق ديرەكتورى دجەيسون نيۋمان مەن QS Quacquarelli Symonds حالىقارالىق رەيتينگ اگەنتتىگىنىڭ وڭىرلىك ديرەكتورى سەرگەي حريستوليۋبوۆ سالتاناتتى تۇردەبۇگىن تابىس ەتتى.
اباي اتىنداعى قازۇپۋ
باسپا ءسوز قىزمەتى