وقۋشىلار سارايىندا «ەڭبەك ادامى 2025» جوباسى اياسىندا ءتۇرلى سالالاردىڭ ۇزدىك وكىلدەرىن ماراپاتتاۋ ءراسىمى ءوتتى، - دەپ حابارلايدى Aqshamnews.kz.
ۇيىمداستىرۋشىلاردىڭ ايتۋىنشا، اتالعان جوبانىڭ ماقساتى — ادال ەڭبەگىمەن ەل دامۋىنا ۇلەس قوسىپ جۇرگەن ەڭبەك ادامىن جاستار اراسىندا ناسيحاتتاۋ، سونداي-اق قوعامدا ونەگەلى تۇلعا بەينەسىن قالىپتاستىرۋ. ءىس-شاراعا قوعام قايراتكەرلەرى، ءماسليحات دەپۋتاتتارى، قوعامدىق كەڭەس مۇشەلەرى، ساراپشىلار، ازاماتتىق قوعام بەلسەندىلەرى جانە جاستار وكىلدەرى قاتىستى.
"مەملەكەت باسشىسى 2025 جىلدى جۇمىسشى ماماندىقتار جىلى دەپ جاريالادى. ونىڭ ءمانى - قاراپايىم جۇمىسشىلاردىڭ ەڭبەگىن باعالاپ، قوعامدا دارىپتەۋ. بۇگىن ماراپاتتالىپ وتىرعان ادامدار ءوز جۇمىسىن ادال، ساپالى اتقارىپ ءجۇر. سولاردىڭ ارقاسىندا ەلىمىز ءوسىپ، وركەندەپ كەلەدى. وسىنداي ازاماتتارىمىزدى ءتيىستى باعالاۋىمىز كەرەك. ولارعا قاراپ جاستارىمىزدا ۇلگى الادى. الماتى اكىمدىگىنىڭ ارتىنان جاساپ جۇرگەن ەڭبەكتەرىڭىز ءۇشىن العىس بىلدىرەمىن"، - دەدى ىشكى ساياسات باسقارماسىنىڭ باسشىسى ايدار ەسەنبەكوۆ.
جالپى «ەڭبەك ادامى 2025» جوباسى اياسىندا 20 مامان ماراپاتتالىپ، قارجىلاي سىيلىق تابىستالدى. ولار:
- ەرجان دۇكەنوۆ - اۋە كەمەلەرىنىڭ قوزعالىسىن باقىلايتىن ديسپەچەر؛
- ايداربەك داۋلەتبايەۆ - اۆتوبۋس جۇرگىزۋشىسى؛
- ارمەن اتاناەسيان - ساۋلەتشى؛
- گۇلنۇر سەيسەكينا - 102 وپەراتورى؛
- جايلىگۇل دوسىمبەكوۆا - كامەنكا ورمانشىلىعىنىڭ ينسپەكتورى؛
- رايسا كيكبايەۆا - جول جۇمىسشىسى؛
- مەيىرجان جۇمانبايەۆ - تەپلوۆوز ءماشينيسى؛
- ايبەك ەسەلبايەۆ - اۆتوزاۆود بريگاديرى؛
- قۋات جارمۇحامبەتوۆ - ەلەكتروپوەزد ءماشينيسى؛
- سافيا ايازبايەۆا - مۋزەيدىڭ عىلىمي قىزمەتكەرى؛
- الما مىلتىقبايەۆا - ءمۇعالىم؛
- قايرات نۇرجاۋبايەۆ - ءورت ءسوندىرۋشى؛
- جارىلقاسىن ابديمامبەتوۆ - سلەسار-جوندەۋشى؛
- ەركىن يسابەكوۆ - ەلەكترودانەكەرلەۋشى؛
- ەركەش ءجۇنىسوۆ - اكتيرسا؛
- جانار ساديبەكوۆ - ينجەنەر-تەحنولوگ؛
- وكسانا ماشورينا - فەلدشەر؛
- الىبەك جانىسبايەۆ - نەيروحيرۋرگ؛
- گاليا تۋلەگەنوۆا - ەكولوگ؛
- سەرگەي ساحاروۆ - ەلەكتروتەحنيكالىق قىزمەتشى.