تيىندار ءۇش نۇسقادا جاسالعان
ق ر ۇلتتىق بانكى تاۋەلسىزدىك جىلدارى كوللەكسيالىق مونەتالاردىڭ 600-دەن استام ءتۇرىن شىعاردى. ولاردىڭ ءارقايسىسى بىرەگەي. كەيبىرەۋلەرى وتكەننەن سىر شەرتىپ، تاريحي تۇلعالار مەن وقيعالارعا ارنالسا، ەندى بىرەۋلەرى مەملەكەتتىك مەرەكەلەرگە ورايلاستىرىلعان. ماسەلەن، قارجى ينستيتۋتى 2021 جىلدىڭ باستى مەرەيتويى - ەل تاۋەلسىزدىگىنىڭ 30 جىلدىعىنا تارتۋ رەتىندە ارنايى مونەتالار ازىرلەگەن، دەپ حابارلايدى Almaty-akshamy.kz
ايتا كەتەيىك، بۇل تيىندار ءۇش نۇسقادا جاسالعان. نومينالى 5 مىڭ جانە 5 ءجۇز تەڭگەلىك – كۇمىستەن، 100 تەڭگەلىك مەلحيوردان قۇيىلعان. ديزاينەرلەردىڭ ايتۋىنشا، ولارعا 1993 جىلعى ۇلگىدەگى وتاندىق بانكنوتتاردىڭ ءبىرىنشى سەرياسىندا كىرگەن كورنەكتى تاريحي تۇلعالار باسىلعان. قاس بەتىندەگى پورترەتتىك قاتاردىڭ ەڭ الدىندا تۇڭعىش پرەزيدەنت، ەلباسى – نۇرسۇلتان نازاربايەۆ بەينەلەنگەن. ۇلتتىق بانك مونەتالار بىرەگەي تەحنولوگيامەن جاسالعانىن ايتادى.
«بۇل مونەتالاردى ازىرلەۋ بارىسىندا بىردەن ءۇش تەحنولوگيا قولدانىلدى. اتاپ ايتساق، كارتالاردى التىنمەن جالاتۋ، پورترەتتىك قاتار جانە ساندىق ۇلگىدە باسىپ شىعارۋ ءادىسى. جوعارىدا تۋ ورنالاسقان. ەگەر مۇقيات قاراساڭىز، ينتەرفەرەنسيالىق كەمپىرقوساق جابىنى بار. ياعني كيىز ءۇيدى بەزەندىرۋ كەزىندە جاسالاتىن ساندىك قولدانبالى ونەر – باسقۇر بانكنوتتىڭ نەگىزگى ەلەمەنتتەرىنىڭ ءبىرى بولدى. سالماعى 31،1 گراممدى قۇرايتىن مونەتالار تارالىمعا ءۇش مىڭ دانامەن شىقتى»، - دەيدى ق ر ۇلتتىق بانكىنىڭ بانكنوتتار مەن مونەتالاردى جوبالاۋ باسقارماسىنىڭ باستىعى المات قاسەنوۆ.
.