مەگاپوليستە اۆتوبۋستار، تروللەيبۋستار مەن مەترو 31 جەلتوقسان مەن 4 قاڭتاردى قوسا العاندا ادەتتەگىدەي رەجيمدە – 6:00-دەن 23:00-گە دەيىن جۇمىس ىستەيدى، دەپ حابارلايدى اlmaty-akshamy.kz
جاڭا جىلدىق مەرەكەگە بايلانىستى 2022 جىلدىڭ 1 قاڭتارى كۇنى ساعات 06:00-دەن 09:00-گە دەيىن قوعامدىق كولىكتىڭ 50%-ى جولعا شىعادى. ودان ءارى قوعامدىق كولىك جۇمىسى مەرەكەلىك كەستەگە سايكەس جالعاسادى. 2،3،4 قاڭتار كۇندەرى جۇمىس مەرەكەلىك كۇندەر كەستەسىنە سايكەس جۇرگىزىلەدى.
ياعني جولاۋشىلار اعىنى نەگىزىندە كوعامدىق كولىك سانى 20 پايىزعا قىسقارادى. بۇعان دەيىن الماتىنىڭ كوممۋنالدىق قىزمەتتەرى مەرەكە كۇندەرى كۇشەيتىلگەن رەجيمدە جۇمىس ىستەيتىنىن حابارلاعان بولاتىنبىز. 31 جەلتوقسان مەن 9 قاڭتار ارالىعىندا جاۋاپتى تۇلعالاردىڭ، جەدەل جانە جوندەۋ پەرسونالىنىڭ تاۋلىك بويى كەزەكشىلىگى ۇيىمداستىرىلادى.
مەرەكە كۇندەرى قالالىق شارۋاشىلىق وبەكتىلەرى مەن تىرشىلىكتى قامتاماسىز ەتۋ جۇيەلەرىنىڭ ۇزدىكسىز جۇمىس ىستەۋىن قامتاماسىز ەتۋ ءۇشىن بارلىق شارانى قابىلدايدى.