تاۋەلسىزدىكتىڭ 30 جىلدىعىنا وراي كىمدەر راقىمشىلىققا ىلىنەدى
ق ر پرالامەنتى ءماجىلىسىنىڭ پلەنارلىق وتىرىسىندا ىشكى ىستەر ءمينيسترى ەرلان تۇرعىمبايەۆ «قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭ جوباسىن تانىستىردى، دەپ حابارلايدى Almaty-akshamy.kz
«ونىڭ ماقساتى – اسا اۋىر ەمەس جانە اۋىرلىعى ورتاشا قىلمىس ءۇشىن جازادان بوساتۋ جانە كەيبىر اۋىر، اسا اۋىر قىلمىستار ءۇشىن جازا مەرزىمىن قىسقارتۋ. راقىمشىلىق ارداگەرلەرگە، كامەلەتكە تولماعاندارعا، جاسى ۇلكەندەرگە، ءبىرىنشى جانە ەكىنشى توپتاعى مۇگەدەكتەرگە، قوعامعا ءقاۋىپ توندىرمەيتىن ادامدارعا قولدانىلادى»، - دەدى مينيستر.
ونىڭ مالىمەتى بويىنشا، زاڭ جوباسىن تالقىلاۋعا مەملەكەتتىك ورگان وكىلدەرى، قوعام قايراتكەرلەرى جانە ساراپشىلار اتسالىسقان.
«ەلىمىزدەگى 64 مەكەمە مەن 16 تەرگەۋ يزولياتورىندا 34 مىڭ ادام بار. ونىڭ ىشىندە 30 مىڭ ازاماتقا سوت ۇكىمى شىققان. قالعان 5 مىڭ ادام تەرگەۋدە قاماۋدا وتىر. 93 پايىزى اۋىر جانە اسا اۋىر قىلمىس جاساعانى ءۇشىن قاماۋدا وتىر. 45 پايىزى ونىڭ الدىندا بىرنەشە رەت سوتتالعان. سونىمەن قاتار، 32 مىڭ ادام پروباسيالىق باقىلاۋدا»، - دەدى ەرلان تۇرعىمبايەۆ.