ۆەلوسيپەدتەر ءبىر جىلدا 700 مىڭ رەت جالعا بەرىلدى
بيىل ەلوردادا «Velobike» ۆەلوماۋسىمى 15 ساۋىردەن 31 قازانعا دەيىن سوزىلدى. وسى ۋاقىت ىشىندە ۆەلوسيپەدتەردى 11 مىڭنان استام ادام پايدالاندى، 12 مىڭنان استام ابونەمەنت ساتىپ الىندى. ۆەلوسيپەدتەر 700 مىڭ رەت جالعا الىنعان، دەپ حابارلايدى Almaty-akshamy.kz
ۆەلوماۋسىم باستالعاننان بەرى پايدالانۋشىلار 1،5 ميلليون شاقىرىم قاشىقتىقتى ءجۇرىپ وتكەن. ولاردىڭ ءبىرى وسى كەزەڭدە 7،5 مىڭ قاشىقتىقتى ەڭسەردى. بيىلعى ماۋسىمدا قالانىڭ ءار جەرىندە 155 ۆەلوستانسيا ورناتىلىپ، جالعا الۋعا بارلىعى 1 مىڭنان كوپ ۆەلوسيپەد ۇسىنىلدى.
ەسكە سالايىق، قازاقستانداعى العاشقى ۆەلوشەرينگ جۇيەسى ەلوردادا 2014 جىلى ىسكە قوسىلدى. بۇگىندە ۆەلوسيپەدتى جالعا الۋ پروسەدۋراسى جەڭىلدەتىلگەن. ول ءۇشىن velobike.kz سايتىندا ونلاين تىركەۋدەن ءوتىپ، لوگين مەن پارول الۋ جەتكىلىكتى. Kaspi.kz جانە Qiwi ارقىلى ونلاين تولەۋ فۋنكسيالارى ەنگىزىلدى. ۆەلوسيپەدتەردى 16 جاسقا تولعان ازاماتتار جالعا الا الادى.
ابونەمەنتتەردى velobike.kz سايتىندا جانە City Transportation Systems كاسسالارىندا ساتىپ اۋعا بولادى. ايتا كەتەيىك، ۆەلوماۋسىم اياقتالعاننان كەيىن ابونەنتتىك تولەم كەلەسى ماۋسىمعا ساقتالمايدى. تەك تەڭگەرىم اۋىستىرىلادى. قاجەت بولعان جاعدايدا شوتتاعى قاراجاتتى ر. قوشقاربايەۆ داڭعىلى، 50/1 مەكەنجايىنداعى ورتالىق كاسسادان قايتارۋعا بولادى. جاڭا ۆەلوماۋسىم 2022 جىلدىڭ ءساۋىر ايىندا قايتا باستالاتىنى جوسپارلانعان.