بيىل العاش رەت ماگيستراتۋرا مەن دوكتورانتۋراعا ءبىر جىلدا ەكىنشى رەت قۇجات تاپسىرۋعا بولادى

ماگيستراتۋرا مەن دوكتورانتۋراعا تۇسۋشىلەرگە ەكىنشى مۇمكىندىك تۋدى

كەشەندى تەستىلەۋگە قۇجات قابىلداۋ 1 قاراشادا باستالدى، دەپ حابارلايدى Almaty-akshamy.kz

ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلى­­دەگى پاراق­شا­سىندا ماگيستراتۋرا مەن دوك­تو­ران­تۋراعا ءتۇسۋ بويىنشا قابىل­دان­عان شەشىم تۋرالى جازدى. سونداعى اقپاراتقا سۇيەنسەك، بۇدان بىلاي وقۋعا قابىلداۋ جىلىنا ەكى رەت وتكىزىلەدى. بايقاۋعا جازدا گرانتقا تۇسە الماعان ۇمىتكەرلەر دە، بۇرىن كەشەندى تەستىلەۋدەن وتپەگەندەر دە قاتىسا الادى.

ال ءبىلىم جانە عىلىم ۆيسە-مينيسترى قۋانىش ەرعالييەۆ جاقىندا مۇنداي شەشىم تالاپكەرلەردىڭ قاجەتتىلىگى مەن مۇددەسىنە قاراي قابىلدانعانىن جەتكىزدى.

«مۇنداي ماڭىزدى شەشىمدەردى قا­بىل­داۋ كەزىندە مينيسترلىك ستۋدەنت­تەر­ءدىڭ مۇددەلەرىن ءارقاشان ءبىرىنشى ورىنعا قويادى. بۇعان دەيىن ءبىلىم جانە عىلىم ءمينيسترى اسحات ايماعامبەتوۆ مەملەكەتتىك گرانتقا ۇمىتكەرلەر جىلىنا ەكى رەت، ءداستۇرلى تۇردە – جازدا جانە قوسىمشا قىستا تەستىلەۋدەن وتە الاتىنىن حابارلاعان بولاتىن. سوعان ءساي­كەس تالاپكەرلەر 1 قاراشادان باستاپ ماگيستراتۋراعا ءتۇسۋ ءۇشىن ەكىنشى مارتە وتكىزىلەتىن كەشەندى تەستىلەۋگە قۇجات­تا­رىن تاپسىرا الادى. تەستىلەۋدى ءساتتى تاپ­سىر­عان جاعدايدا ۇمىتكەرلەر جاز ايىندا وقۋعا قابىلداۋ قورىتىندىسى بويىنشا بولىنگەن گرانتتاردى ۇتىپ الا الادى»،- دەدى مي­ءنيستردىڭ ورىنباسارى.

ەندى ەمتيحانعا تىركەلۋ، ماماندىقتار بولىنىسىندە گرانتتاردىڭ سانىنا توقتالساق.

ەڭ اۋەلى ەكىنشى كەشەندى تەستىلەۋگە قاتىسۋ ءۇشىن تىركەلۋ ۇلتتىق تەستىلەۋ ورتا­لىعىنىڭ app.testcenter.kz سايتىندا ءو­تەدى. قۇجات قابىلداۋ 2021 جىلدىڭ 1-15 قاراشاسى ارالىعىندا جۇرگىزىلەدى. كە­شەندى تەستىلەۋ 2021 جىلدىڭ 18 قارا­شاسىنان 11 جەلتوقسانىنا دەيىن جال­عاسادى.

ماگيستراتۋراعا گرانتقا ۇمىتكەرلەر ءداستۇرلى تۇردە شەت ءتىلى، ءبىلىم بەرۋ باعدار­لا­مالارى توبىنىڭ بەيىنى جانە وقۋعا دايىندىعىن انىقتاۋ بويىنشا تەست تاپسىرادى. شەت ءتىلىن مەڭگەرگەنىن راستايتىن حالىقارالىق سەرتيفيكاتى بار ادامدار اۆتوماتتى تۇردە شەت ءتىلى بويىن­شا تەستىلەۋدەن بوساتىلادى. تەست ءناتي­جە­لەرىن تەستىلەۋ اياقتالعاننان كەيىن ءبىر­دەن ءبىلۋ­گە بولادى. ناتيجەلەرىمەن كەلىس­پە­گەن جاعدايدا قاتىسۋشىلار ەمتيحان اياقتالعان سوڭ 30 مينۋتتان كەيىن ونلاين-اپەللياسياعا ءوتىنىش بەرە الادى.

مەملەكەتتىك ءبىلىم بەرۋ تاپسىرىسى بو­يىنشا جانە اقىلى نەگىزدە عىلىمي-پەداگوگيكالىق ماگيستراتۋراعا ءتۇسۋ ءۇشىن شەكتى بالل – 75، بەيىندى ماگيستراتۋراعا ءتۇسۋ ءۇشىن 50 باللدى قۇرايتىنىن اتاپ ءوت­كەن ءجون.

ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار 2021 جىلعى 25 جەلتوقسانعا دەيىن قابىلدانادى. ماگيستراتۋراعا قابىلداۋ 2021 جىلعى 26 جەلتوقسان مەن 10 قاڭتار ارالىعىندا وتەدى.

ماگيستراتۋراعا تۇسۋشىلەر بارلىعى 3 مىڭنان اسا مەملەكەتتىك ءبىلىم گرانتىنا ۇمىتكەر بولا الادى. ماماندىقتار بولىنىسىندە ەڭ كوپ گرانت «حيميا» (172 گرانت)، «ۆەتەريناريا» (169)، «مە­حا­نيكا جانە مەتالل وڭدەۋ» (156)، «مە­تال­لۋر­گيا­لىق ينجەنەريا» (137)، «قۇ­رىلىس ماتەريالدارىن، بۇيىمدارىن مەن كونس­ترۋكسيالارىن ءوندىرۋ» (132 گرانت)، «ما­تەريالتانۋ جانە جاڭا ماتەريالدار تەح­نولوگياسى» (130) جانە باسقا مامان­دىقتار بويىنشا بولىنگەن.

بيىل دوكتورانتۋراعا ءتۇسۋ ەرەجەلەرىنە وزگە­رىستەر ەنگىزىلگەن ەدى. ەندى دوك­توران­تۋ­ر­ا­عا قابىلداۋ «1 تالاپكەر – 1 كومپيۋتەر – 1 كامەرا» قاعيداتى بويىنشا وڭىرلىك تەس­تىلەۋ ورتالىقتارىندا ەلەكتروندى فور­­­ماتتا وتەتىن ءتۇسۋ ەمتيحانىنىڭ ءناتي­جە­­لەرى بويىنشا جۇزەگە اسىرىلادى. بۇل ەمتيحان تاپسىرۋ كەزىندە اشىقتىقتى جانە ترانس­پارەنتتىلىكتى قامتاماسىز ەتۋگە باعىت­تالعان.

ءبىلىم جانە عىلىم مينيسترلىگىنىڭ ءما­لىمدەۋىنشە، قابىلداۋ ەمتيحانى ەسسە جازۋ، دوكتورانتۋرادا وقۋعا دايىندىق تەستىلەۋى جانە ءبىلىم بەرۋ باعدارلاماسى تو­بىنىڭ بەيىنى بويىنشا ەمتيحانداردان تۇرادى.

ەكىنشى رەت وتكىزىلەتىن دوكتورانتۋراعا ءتۇسۋ ەم­تي­حانىنا قاتىسۋ ءۇشىن دە سول ۇلت­تىق تەستىلەۋ ورتالىعىنىڭ app.testcenter.kz سايتىندا تىركەلۋ كەرەك. مۇن­­دا دا ماگيستراتۋراداعىداي قابىلداۋ ەمتيحانى 2021 جىلدىڭ 18 قاراشاسى مەن 11 جەلتوقسانى ارالىعىندا، وقۋعا قابىلداۋ 2021 جىلعى 26 جەلتوقسان مەن 10 قاڭتار ارالىعىندا وتەدى. ايتا كەتەيىك، مەملەكەتتىك ءبىلىم بەرۋ تاپسىرىسى بويىنشا جانە اقىلى نەگىزدە وقۋعا ءتۇسۋ ءۇشىن ءوتۋ بالى 75 باللدى قۇرايدى.

دوكتورانتۋرادا ءبىلىم بەرۋ گرانتتارى جوعارى وقۋ ورىندارى بويىنشا بولىنگەن. ونىڭ ىشىندە ەڭ كوبى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنە (87 ورىن) تيەسىلى. مۇندا «پەداگوگيكا جانە پسيحولوگيا»، «ينفورماتيكا پەداگوگتەرىن دايارلاۋ»، «الەۋمەتىك پەداگوگيكا جانە ءوزىن-وزى تانۋ ماماندارىن دايارلاۋ»، «فيلوسوفيا جانە ادەپ»، «تاريح جانە ارحەولوگيا»، «الەۋمەتتانۋ»، «ساياساتتانۋ جانە كونفليكتولوگيا»، ت.ب. ماماندىقتاردا وقۋعا مۇمكىندىك بار. گرانت ءبولىنىسى بويىنشا ەكىنشى ورىندا ءال-فارابي اتىنداعى قازاق ۇلتتىق ۋنيۆەرسيتەتi تۇر. اتالعان وقۋ ورنىنا «يسلامتانۋ»، «شىعىستانۋ»، «فيلولوگيا»، «جۋرناليستيكا جانە رەپورتەر ءىسى»، «مەملەكەتتىك جانە جەرگىلىكتى باسقارۋ»، تاعىسىن تاعى ءتۇرلى باعىتتاعى ءبىلىم بەرۋ باعدارلامالارى بويىنشا 78 ورىنعا گرانت بەرىلگەن. جوعارىداعى قوس جوو-دان بولەك تاعى 41 وتاندىق ۋنيۆەرسيتەت ءارتۇرلى ماماندىقتار بويىنشا دوكتورانتتاردى دايارلايدى. بۇل تۋرالى تولىعىراق ۇلتتىق تەستىلەۋ ورتالىعىنىڭ سايتىندا ورنالاستىرىلعان دەرەكتەن بىلۋگە بولادى.