بەيجىڭدە كولىك سالاسىنداعى حالىقارالىق ىنتىماقتاستىقتى نىعايتۋ ماقساتىندا قازاقستان رەسپۋبليكاسىنىڭ كولىك ۆيسە-مينيسترى ءساتجان ابلالييەۆ جۇڭگو قۇرىلىس كومپانيالارىنىڭ وكىلدەرىمەن كەزدەستى.
كەزدەسۋگە قازاقستان رەسپۋبليكاسىنىڭ قىتايداعى ەلشىلىگىنىڭ وكىلدەرى، «قازاقينۆەست» ۇك اق وكىلى جانە ازيا دامۋ بانكىنىڭ وكىلى، سونداي-اق حالىقارالىق ىنتىماقتاستىققا قىزىعۋشىلىق تانىتقان 60-تان استام ءىرى كومپانيا وكىلدەرى قاتىستى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
كوزدەلگەن نەگىزگى ماقسات – قوس ەلدىڭ قۇرىلىس كومپانيالارى اراسىنداعى ىنتىماقتاستىققا بايلانىستى وزەكتى ماسەلەلەردى تالقىلاۋ. نەگىزگى تاقىرىپتاردىڭ ىشىندە ينجەنەرلىك-تەحنيكالىق پەرسونالعا رۇقسات بەرۋ قۇجاتتارىن رەسىمدەۋ، جوبالاردى قارجىلاندىرۋ نىسانىنا قاتىستى ماسەلەلەر، سالىق سالۋ جانە قازاقستان رەسپۋبليكاسىنىڭ نورماتيۆتەرى، كارەرلەردى پايدالانۋ جانە جول بيتۋمىنا قاجەتتىلىكتەر، سونىمەن بىرگە جول-قۇرىلىس ماتەريالدارىنىڭ قۇنى ماسەلەلەرى بولدى.
وسىلايشا اتالعان كەزدەسۋ قوس ەلدىڭ كومپانيالارى اراسىنداعى بەرىك ىنتىماقتاستىقتى دامىتۋعا وزىندىك ىقپالىن تيگىزدى. ق ر كولىك ۆيسە-مينيسترى ءساتجان ابلالييەۆ قازاقستان مەن قىتايدىڭ كولىك جانە ينفراقۇرىلىم سالاسىنداعى ءوزارا ءىس-قيمىلىن نىعايتۋعا ىقپال ەتەتىن ارىپتەستىك قاتىناستاردىڭ تابىستى دامۋىنا جانە قۇرىلىس جوبالارىن قولداۋعا سەنىم ءبىلدىردى.