قازاقستاندىق پاراليمپياداشىلار بەيجىڭگە ۇشىپ كەتتى

قازاقستاننىڭ ۇلتتىق پاراليمپيادا قۇراماسىنىڭ قۇرامىنا 5 سپورتشى كىردى

قازاقستاننىڭ پاراليمپيادا قۇراماسى قىسقى ويىندارعا قاتىسۋ ءۇشىن بەيجىڭگە ۇشىپ كەتتى. ولار 25 اقپاندا كەشكى رەيسپەن جولعا شىقتى، دەپ حابارلايدى Almaty-akshamy.kz Sputnik قازاقستانعا سىلتەمە جاساپ.

بەيجىڭ – 2022 XIII قىسقى پاراليمپيادا ويىندارى 2022 جىلدىڭ 4-13 ناۋرىز ارالىعىندا وتەدى، وعان الەمنىڭ 50 ەلىنەن 700-دەن استام سپورتشى قاتىسادى.

ۇلتتىق پاراليمپيادا كوميتەتىنىڭ حابارلاۋىنشا، قازاقستاننىڭ ۇلتتىق پاراليمپيادا قۇراماسىنىڭ قۇرامىنا 5 سپورتشى كىردى. ولار: الەكساندر گەرليس، ەربول حاميتوۆ، سەرگەي ۋسولسيەۆ، يۋريي بەرەزين جانە دەنيس پەترەنكو.

قازاقستاننىڭ پاراليمپياداشىلارى ەكى سپورت ءتۇرى بويىنشا ونەر كورسەتەدى: پارا شاڭعى جارىسى جانە پارا بياتلون.

ويىنداردىڭ اشىلۋ سالتاناتى 2022 جىلدىڭ 4 ناۋرىزىندا نۇر-سۇلتان ۋاقىتىمەن 22.00-دە وتەدى.

پارا شاڭعى جارىسى بويىنشا الەم كۋبوگىنىڭ قولا جۇلدەگەرى، حالىقارالىق دارەجەدەگى سپورت شەبەرى ەربول حاميتوۆ قازاقستان پاراليمپيادا قۇراماسىنىڭ تۋ كوتەرۋشىسى بولىپ بەكىتىلدى.