كانديداتتىڭ جاسى 35-كە دەيىن بولۋى كەرەك.
ۆەدومستۆونىڭ باسپا ءسوز قىزمەتىنىىڭ اقپاراتىنا سايكەس، 7 اقپاندا ق ر قارجىلىق مونيتورينگ اگەنتتىگىنە قابىلدانۋعا الەۋەتتى قىزمەتكەرلەردى ىرىكتەۋ باستالادى، دەپ حابارلايدى Almaty-akshamy.kz
اگەنتتىك بەدەلى ءمىنسىز، ينتەللەكتىسى جوعارى، كرەاتيۆتى ويلاۋ قابىلەتى بار جانە ەلىمىزدىڭ ەكونوميكالىق قاۋىپسىزدىگىنە ۇلەس قوسقىسى كەلەتىن تالانتتى جاستاردى جۇمىسقا قابىلدايتىنىن ايتتى.
قىزمەتتەن ۇمىتكەر كانديداتتارعا قانداي تالاپتار قويىلعان؟
1. «قۇقىقتانۋ»، «ەكونوميكا جانە اۋديت»، «اقپاراتتىق قاۋىپسىزدىك»، «اقپاراتتىق تەحنولوگيالار»، «ماتەماتيكا» جانە STEMء-نىڭ باسقا باعىتتارى بويىنشا جوعارى ءبىلىمى تۋرالى ديپلوم؛
2. جوعارى دەڭگەيلى ينتەللەكت (IQ)؛
3. جاسى 35-كە دەيىن؛
4. بۇرىن قۇقىق قورعاۋ جانە ارنايى ورگانداردا قىزمەتتەن وتپەگەندەر، سونداي-اق ەلدىڭ قارۋلى كۇشتەرىندە كەلىسىمشارت بويىنشا قىزمەت ەتپەگەندەر؛
5. بەدەلىنىڭ مىنسىزدىگى.
* ۇزدىك ديپلوم، وليمپيادالاردىڭ، ۇلتتىق جانە حالىقارالىق كونكۋرستاردىڭ جەڭىمپازدارى ىرىكتەۋ كەزىندە باسىمدىلىققا يە؛
ىرىكتەۋ 3 كەزەڭدە وتەدى:
1-كەزەڭ – ونلاين-انكەتا تولتىرۋ جانە بارلىق قاجەتتى قۇجاتتاردى جيناقتاۋ؛
2-كەزەڭ – قابىلەتتىلىكتەرى مەن داعدىلارىن باعالاۋ (IQ دەڭگەيىن تەكسەرۋ، ەسسە جازۋ، ۋاجدەمەلى (موتيۆاسيالىق) ءسوز سويلەۋدى دايىنداۋ)؛
3-كەزەڭ – ورتالىق اپپاراتتا ونلاي-سۇحباتتاسۋدان ءوتۋ.
بارلىق كەزەڭدەردەن ءساتتى وتكەن ازاماتتار «ق ر قما جاس ماماندارى پۋلىنا»قابىلدانىپ، ق ر باس پروكۋراتۋراسى جانىنداعى قۇقىق قورعاۋ ورگاندارى اكادەمياسىندا وقىتۋدان ءوتۋ ءۇشىن ۇسىنىلادى.
ىرىكتەۋدەن كەيىن نە كۇتۋدە؟
بۇدان ءارى اكادەمياعا قابىلداۋ ءۇشىن ۇسىنىلعان ۇمىتكەرلەر ق ر زاڭناماسىن ءبىلۋ بويىنشا اۋىزشا ەمتيحان تاپسىرۋى ءتيىس.
وقىتۋ 5 اي بويى وتكىزىلەدى جانە ەكونوميكالىق تەرگەپ-تەكسەرۋ قىزمەتى ورگاندارىندا 1 اي تاعىلىمدامادان وتەدى.
اكادەميادا وقۋدى ءساتتى اياقتاعاننان كەيىن تۇلەكتەر ق ر قارجىلىق مونيتورينگ اگەنتتىگىنە جەدەل ۋاكىل (انىقتاۋشى)، تەرگەۋشى نەمەسە كريميناليست (B-FMO-6 ساناتى) لاۋازىمدارىنا قىزمەتكە قابىلداناتىن بولادى. وسى لاۋازىمداردىڭ فۋنكسيالىق مىندەتتەرىنە كريميناليستيكالىق جانە ارنايى زەرتتەۋلەر جۇرگىزۋ، بيۋدجەت سالاسىنداعى جانە كۆازيمەملەكەتتىك سەكتورداعى، كولەڭكەلى ەكونوميكا سالاسىنداعى قۇقىق بۇزۋشىلىقتاردى جانە قازاقستان رەسپۋبليكاسىنىڭ زاڭناماسىمەن ەكونوميكالىق تەرگەپ-تەكسەرۋ قىزمەتىنىڭ قۇزىرەتىنە جاتقىزىلعان وزگە دە قىلمىستاردى انىقتاۋ، الدىن الۋ، اشۋ، جولىن كەسۋ جانە تەرگەپ-تەكسەرۋ كىرەدى.
قىزمەتكەرلەردىڭ باستاپقى جالاقىسى قانداي بولادى؟
قىزمەتكەرلەردىڭ ەڭ تومەنگى جالاقىسى (لاۋازىمدىق جالاقىسى) 156 مىڭ تەڭگەنى قۇرايدى.
بۇل رەتتە قۇقىق قورعاۋ ورگاندارى قىزمەتكەرلەرىنىڭ اقشالاي ۇلەسى لاۋازىمدىق جالاقىدان، سونداي-اق ارناۋلى اتاعى ءۇشىن 38 225 تەڭگەدەن باستاپ قوسىمشا اقىلاردان، قىزمەت وتكەرۋدىڭ ەرەكشە جاعدايلارى، سىنىپتىق بىلىكتىلىگى ءۇشىن ۇستەمەاقىلاردان جانە جالاقىنىڭ 10-نان باستاپ 50%-عا دەيىنگى مولشەرىندە باسقا دا تولەمدەردەن قۇرالادى. سونداي-اق، جۇمىس ناتيجەلەرى ءۇشىن سىياقى تولەۋ جۇيەسى قاراستىرىلعان، ساۋىقتىرۋعا ارنالعان جاردەماقى تولەنە وتىرىپ، ەڭبەك سىڭىرگەن جىلدارىنا سايكەس 30 جانە ودان ارتىق كۇنتىزبەلىك كۇن كولەمىندە دەمالىس بەرىلەدى.
ەگەر ءسىز ءوزىڭىزدى لايىقتى ساناساڭىز:
1. مەملەكەتتىك قىزمەت ىستەرى اگەنتتىگىندە قۇقىق قورعاۋ ورگاندارىنا ارنالعان زاڭنامانى ءبىلۋ دەڭگەيىنە تەستىدەن ءوتۋ كەرەك (سىلتەمە).
2. بارلىق قاتىسۋعا ەرىك بىلدىرۋشىلەر 2021 جىلعى 7 اقپاننان 7 ناۋرىزعا دەيىن (قوسا العاندا) سىلتەمە بويىنشا ساۋالناما تولتىرۋى قاجەت.
3. HR قىزمەتتەن الداعى ۋاقىتتا 2 جانە 3 كەزەڭدەردى ءوتۋ بويىنشا ارەكەتتەرىن كۇتۋ. سۇراقتار، جاۋاپتار جانە كەرى بايلانىس الەۋمەتتىك جەلىدە جۇرگىزىلەدى.
كانديداتتار قۇقىق قورعاۋ قىزمەتىنە قابىلدانۋ كەزىندە قۇقىق قورعاۋ قىزمەتىنا اتقارۋعا بايلانىستى شەكتەۋلەردى جانە سىبايلاس جەمقورلىققا قارس شەكتەۋلەردى قابىلداۋعا دايىن بولۋى ءتيىس.