بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
زارداپ شەككەن ازاماتتاردىڭ وتىنىشتەرىنە بايلانىستى بۇل كورسەتكىش ارتتى، دەپ حابارلايدى Almaty-akshamy.kz
قاڭتار ايىندا جاپپاي تارتىپسىزدىكتەر كەزىندە زارداپ شەككەن نىساندار سانى 1573 جەتتى، بۇعان دەيىن 1466 دەپ ايتىلعان. زارداپ شەككەن ازاماتتاردىڭ وتىنىشتەرىنە بايلانىستى بۇل كورسەتكىش ارتتى، ول تەرگەۋشىلەردىڭ تەكسەرۋلەرىمەن جانە زاقىمدالعان نىسانداردى تىركەۋمەن راستالدى.
«بيزنەس نىساندارى ەڭ كوپ زارداپ شەكتى، ولاردىڭ سانى - 1502، باسىم بولىگى دۇكەندەر، لومباردتار، جانارماي قۇيۋ ستانسيالارى مەن قوعامدىق تاماقتانۋ ورىندارى، سونداي-اق اڭشىلىق دۇكەندەر تولىق تونالعان. زاقىمدالعان نەمەسە جويىلعان اۆتوكولىكتەر سانى دا ارتىپ، 765 بىرلىككە جەتتى، ونىڭ ىشىندە 551 قىزمەتتىك پوليسيا كولىگى جانە 124 ازاماتتىق تۇلعالارعا تيەسىلى كولىكتەر»، - دەپ اتاپ ءوتتى سپيكەر.
جالپى مالىمدەلگەن شىعىن 88 ملرد تەڭگەدەن استى.
- قايعىلى قاڭتار: ءىىم ءىس جۇرگىزۋىندەگى قىلمىستىق ىستەردىڭ نەگىزگى بولىگىن ۇرلىق پەن توناۋ قۇرايدى
تەرروريستىك اكتىلەردىڭ سەبەپتەرىن جانە ولاردى ۇيىمداستىرۋشىلاردى، سونداي-اق جاپپاي تارتىپسىزدىكتەردىڭ سەبەپتەرىن انىقتاۋ جونىندەگى تەرگەۋدى ارنايى پروكۋرورلاردىڭ باسشىلىعىمەن ۆەدومستۆوارالىق جەدەل-تەرگەۋ توپتارى جۇزەگە اسىرادى. ءوز كەزەگىندە، ىشكى ىستەر ورگاندارى جاپپاي تارتىپسىزدىك اياسىندا جاسالعان باسقا دا قىلمىستار بويىنشا تەرگەۋدى جالعاستىرۋدا. . بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«بۇگىندە ىشكى ىستەر ورگاندارىنىڭ وندىرىسىندە 2 285 قىلمىستىق ءىس، ولاردىڭ نەگىزگى بولىگىن ۇرلىق پەن توناۋ قۇرايدى. بۇل 1 674 ءىس نەمەسە تىركەلگەندەردىڭ جالپى سانىنىڭ 73%»، - دەدى ءىىم وكىلى تەرگەۋ مالىمەتتەرىن جاريا ەتە وتىرىپ.
- جەدەل ءىس-شارالار بارىسىندا 747 بىرلىك قارۋ مەن 18 مىڭنان استام ءوق-دارى تاركىلەندى
قايعىلى قاڭتار قىلمىستىق ىستەرىن تەرگەۋ اياسىندا توناۋعا، اسىرەسە قارۋ ۇرلاۋعا قاتىسقان ادامداردى انىقتاۋ جۇمىستارى جالعاسۋدا. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«ءۇش اپتا ىشىندە پوليسيا قىزمەتكەرلەرى ۇرلانعان قارۋدىڭ كوپ مولشەرىن، اسىرەسە الماتى، الماتى جانە جامبىل وبلىستارىندا تاركىلەدى. قازىرگى ۋاقىتتا تاركىلەنگەن قارۋدىڭ جالپى سانى 747 بىرلىك جانە 18 مىڭنان استام ءوق-دارى بار»، - دەپ اتاپ ءوتتى ۆەدومستۆو وكىلى.
- ءىىم تەرگەۋ دەپارتامەنتى: قىلمىسكەرلەردەن 107 ملن تەڭگەدەن استام سوماعا ۇرلانعان مۇلىك تاركىلەندى
30 قاڭتاردا الماتىدا ۇرلىق ءۇشىن سوتتالعان جامبىل وبلىسىنىڭ 33 جاستاعى تۇرعىنى ۇستالدى، ول 5 قاڭتاردا قارۋ-جاراق دۇكەنىن توناۋعا قاتىسقان. تەرگەۋ مالىمەتتەرى بويىنشا، ول 4 مىلتىق الىپ شىققان. ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ وسى جانە قايعىلى قاڭتار وقيعاسى كەزەڭىندە ورىن العان باسقا دا زاڭسىز ىس-ارەكەتتەر جايلى ايتىپ بەردى.
«ول دۇكەن ەسىكتەرىندەگى توردى بۇزۋ ءۇشىن كابەل بايلانعان ۆاز-2114 كولىگىن جۇرگىزگەن. ناتيجەسىندە كۇدىكتى ەكى تەگىس ۇڭعىلى جانە ەكى ويىق مىلتىق العان. الماتى قالاسىندا وسى قالانىڭ تاعى 4 تۇرعىنى ۇستالدى، ولاردان ۇرلانعان 10 مىلتىق پەن ءوق-دارى تاركىلەندى. سونىمەن قاتار، ولاردان قاۋىپسىزدىك كۇشتەرىنەن ۇرلانعان وق وتپەيتىن كەۋدەشەلەر، قالقاندار مەن شلەمدەر تاركىلەندى. بارلىق وسى فاكتىلەر بويىنشا كۇدىكتىلەر ۋۇي-عا وقشاۋلانىپ، سوت سانكسياسىمەن قاماۋعا الىندى. قازىرگى ۋاقىتتا قارۋ-جاراقتى انىقتاۋ بويىنشا ماقساتتى جەدەل شارالار جالعاسۋدا. سونىمەن قاتار، باسقا توناۋعا قاتىسقان ادامداردى انىقتاۋ بويىنشا دا جۇمىستار جۇرگىزىلۋدە. ماسەلەن، 1 اقپاندا قىزىلوردادا لومباردتاردىڭ بىرىندە جاپپاي تارتىپسىزدىك كەزىندە ۇرلىق جاساعان وسى قالانىڭ ەكى تۇرعىنى ۇستالىپ، ۋۇي-عا قامالدى. ۇستالعانداردان ۇرلانعان التىن بۇيىمداردىڭ 160-تان استام بىرلىگى تاركىلەندى. الماتىدا توناۋعا قاتىسقانداردىڭ ءبىرى «يسكەر لومبارد» ج ش س 41 ملن تەڭگەدەن استام شىعىن كەلتىرگەن. كۇدىكتىدەن ۇرلانعان زاتتىڭ ءبىر بولىگى تاركىلەنىپ، ونىڭ كىناسى بەينەجازبامەن دالەلدەنۋدە. قىلمىسكەرلەردەن بارلىعى 107 ملن تەڭگەدەن استام سوماعا باعالاناتىن ۇرلانعان مۇلىك، ونىڭ ىشىندە 8 بىرلىك اۆتوكولىك، 360 بىرلىك تۇرمىستىق تەحنيكا، 200-دەن استام زەرگەرلىك بۇيىم، 460 كيىم اتاۋى، 238 ۇيالى تەلەفون، سونداي-اق 15،5 ملن تەڭگە سوماسىنداعى قولما-قول اقشا تاركىلەندى»، - دەدى سپيكەر.
- ءىىم كۇشىمەن قاڭتارداعى تارتىپسىزدىكتەر كەزىندە توناۋعا قاتىسقان ادامداردى انىقتاۋ جۇمىستارى جالعاسۋدا
ۇرلىق، توناۋ، سونىڭ ىشىندە تارتىپسىزدىكتەر كەزىندە قارۋ ۇرلاعانى ءۇشىن 322 كۇدىكتى ۇستالىپ، ۋۇي-عا قاماۋعا الىندى. تەرگەۋ بارىسىندا ءىستىڭ ءمان-جايلارىن جانە كۇدىكتىلەردىڭ دالەلدەرىن مۇقيات تەكسەرۋگە، سونداي-اق دالەلدەمەلەر بازاسىن جيناۋعا باسا نازار اۋدارىلادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«بۇرىن حابارلانعانداي، تەرگەۋشىلەردىڭ بارلىق ءىس جۇرگىزۋ شەشىمدەرى قىلمىستىق پروسەستىڭ ءۇش بۋىندى مودەلى شەڭبەرىندە قابىلدانادى، اتاپ ايتقاندا، كۇدىكتىنى ۇستاۋ، ونىڭ ارەكەتتەرىن سارالاۋ، سونداي-اق بۇلتارتپاۋ شارالارىن تاڭداۋ سياقتى نەگىزگى ءىس جۇرگىزۋ شەشىمدەرى تەك پروكۋرورمەن كەلىسىلەدى. بۇل رەتتە بارلىق كۇدىكتى ادامدار دەنە جاراقاتتارىنىڭ بار-جوعى مەديسينالىق كۋالاندىرىلعاننان كەيىن عانا، ولاردى الۋ ءمان-جايلارى ءبىر مەزگىلدە انىقتالا وتىرىپ، ۋۇي-عا قامالادى»، - دەپ اتاپ ءوتتى ءىىم وكىلى.
- قىلمىستىق ءىس جۇرگىزۋ زاڭىندا كوزدەلگەن نەگىزدەر بويىنشا كۇدىكتىلەردى قاماۋدان بوساتۋ بويىنشا جۇمىس جۇرگىزىلۋدە - ءىىم
ىشكى ىستەر مينيسترلىگى ۇستالعان ادامداردىڭ جەكە باسىن ەسكەرە وتىرىپ، قىلمىستىق ءىس جۇرگىزۋ زاڭىندا كوزدەلگەن نەگىزدەر بويىنشا كۇدىكتىلەردى كۇزەتپەن ۇستاۋدان بوساتۋ جونىندە دە جۇمىس جۇرگىزۋدە. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«وتكەن اپتادا قاداعالاۋشى پروكۋرورمەن كەلىسىم بويىنشا بۇلتارتپاۋ شاراسى 9 ادامعا قاتىستى ءۇي قاماعىنا، 6 ادامعا قاتىستى شىقپاۋ تۋرالى قولحاتقا وزگەرتىلدى، بۇل رەتتە بوساتىلعان ادامدار تاراپىنان شاعىمدار تۇسكەن جوق. بوساتىلعان ادامداردىڭ جالپى سانىن باس پروكۋراتۋرا وكىلى جاريالادى. سونىمەن قاتار، ءبىرقاتار كۇدىكتىلەرگە، ولاردىڭ جەكە باسىن جانە جاسالعان قىلمىستىڭ اۋىرلىعىن ەسكەرە وتىرىپ، نەگىزىنەن از عانا زالال بولعان جاعدايدا، قاماۋعا الىنباي، قوعامنان وقشاۋلاۋعا بايلانىستى ەمەس بۇلتارتپاۋ شارالارى قولدانىلدى. مۇنداي كۇدىكتىلەردىڭ سانى، قاماۋعا الىنعانداردى ەسەپتەمەگەندە، قازىرگى ۋاقىتتا 200-دەن اسادى»، - دەدى پولكوۆنيك.
- ءىىم كريميناليستەرى دالەلدەمەلەردى جيناۋ جانە قۇقىق بۇزۋشىلاردى ۇستاۋ بويىنشا 15 مىڭنان استام تەرگەۋ ارەكەتىن جۇرگىزدى
تارتىپسىزدىكتەر كەزىندە الماتى قالاسى ەڭ كوپ زارداپ شەكتى، وسىعان بايلانىستى، سونداي-اق كاسىپكەرلەردىڭ ءوتىنىشىن ەسكەرە وتىرىپ، ءىىم وڭىرلىك پوليسيا دەپارتامەنتتەرىنەن جەدەل-تەرگەۋ جانە كريميناليستيكالىق بولىمشەلەردىڭ قىزمەتكەرلەرى قوسىمشا تارتىلدى. ناتيجەسىندە وقيعا بولعان جەردى جانە زاقىمداردى تىركەپ، سونداي-اق قاجەتتى زاتتاي دالەلدەمەلەردى الىپ، بارلىق وبەكتىلەردى تەكسەرۋدى قىسقا مەرزىمدە اياقتاۋعا مۇمكىندىك تۋدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«قازىرگى ۋاقىتتا ءىىم كريميناليستەرى تاركىلەنگەن ىزدەر بويىنشا قىلمىسكەرلەردىڭ جەكە باسىن انىقتاۋ ۇستىندە. تەرگەۋشىلەر ءقازىردىڭ وزىندە 15 مىڭنان استام تەرگەۋ ارەكەتتەرىن جۇرگىزدى، ولاردىڭ ىشىندە جابىرلەنۋشىلەردەن، كۋالاردان جانە كۇدىكتىلەردەن جاۋاپ الۋ، ولاردىڭ اراسىنداعى بەتپە-بەت ستاۆكالار، تەكسەرۋلەر، ءتىنتۋ جانە باسقا دا شارالار. تەرگەۋ ورگاندارىنا دالەلدەمەلەر جيناۋعا جانە قۇقىق بۇزۋشىلاردى ۇستاۋعا جاردەمدەسەتىن ازاماتتارعا ەرەكشە العىس بىلدىرگىم كەلەدى. مىسالى، الماتى وبلىسىنىڭ ەلدى مەكەندەرىنىڭ بىرىندە تۇرعىندار ۇرلانعان قارۋدىڭ 6 بىرلىگىن ساتۋ ارەكەتىنىڭ جولىن كەستى، ولار پوليسياعا تاپسىرىلدى. اتالعان فاكتى بويىنشا سوتقا دەيىنگى تەرگەۋ باستالدى جانە كۇدىكتىلەر ۇستالدى. ولاردىڭ الماتى قالاسى اۋەجايىنىڭ عيماراتىنداعى ساۋدا نۇكتەلەرىن توناۋعا قاتىسى بار ەكەنى انىقتالدى»، - دەدى پوليسەي.
- الەۋمەتتىك جەلىلەردە جالعان حابارلامالار تاراتاتىن 43 شەتەلدىك اككاۋنت انىقتالدى
قاڭتارداعى قايعىلى وقيعالاردان كەيىن ەل ازاماتتارىنىڭ قوعامدىق ساناسىن باقىلاۋ ءۇشىن اقپاراتتىق سوعىس باستالدى. رەسمي ورگانداردىڭ ەسكەرتۋلەرىنە قاراماستان، الەۋمەتتىك جەلىلەر ارقىلى كورىنەۋ جالعان اقپارات تاراتۋ جاعدايلارى جيىلەپ كەتتى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«بۇل اقپاراتتىق شابۋىلداردىڭ تۇپكى ماقساتى قۇقىق قورعاۋ ورگاندارىنىڭ بەدەلىن ءتۇسىرۋ عانا ەمەس، سونداي-اق قازاقستان رەسپۋبليكاسىنىڭ مەملەكەتتىك جۇيەسىن السىرەتۋ بولىپ تابىلادى. جالعان حابارلاردىڭ نەگىزگى بولىگى ەلدەن تىس جەرلەردەن تاراتىلادى. بۇگىندە الەۋمەتتىك جەلىلەردە شەتەلدە تىركەلگەن 43 اككاۋنت انىقتالدى. قاسكويلەر قازاقستان پوليسياسىنىڭ قىزمەتىن تەرىس قىرىنان كورسەتەدى، الايدا العاشقى كۇندەرى قارۋسىز قوعامدىق ءتارتىپتى قامتاماسىز ەتكەن سولار بولاتىن»، - دەپ مالىمدەدى سپيكەر.
- تارتىپسىزدىكتەر كەزىندە 19 قۇقىق قورعاۋ ورگاندارىنىڭ قىزمەتكەرى مەن اسكەري قىزمەتشى قازا تاپتى، 3 مىڭنان استام ادام جاراقات الدى – ءىىم
ەكى تاۋلىك ىشىندە ەلىمىزدىڭ كوپتەگەن ءىرى قالالارىندا، اسىرەسە، الماتىدا تارتىپسىزدىكتەر ورىن الىپ، مەملەكەتتىك مەكەمەلەر مەن پوليسيا عيماراتتارىنا شابۋىل جاسالدى. وسى شابۋىلدارعا تويتارىس بەرۋ بارىسىندا جانە قاقتىعىستاردا پوليسيا قىزمەتكەرلەرى دە، اسكەري قىزمەتشىلەر دە، شابۋىلداۋشىلار دا دەنە جاراقاتىن الدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«تارتىپسىزدىك كەزىندە قۇقىق قورعاۋ جانە ارنايى ورگانداردىڭ 19 قىزمەتكەرى، سونداي-اق اسكەري قىزمەتشىلەر قازا تاپتى، ولاردىڭ 3 مىڭنان استامى دەنە جاراقاتىن الدى. بۇل رەتتە 40 ادام وق جاراقاتىن، 13ء-ى پىشاق، 170-تەن استامى باسقا دا اۋىر جاراقاتتار الدى. بەيبىت تۇرعىندار اراسىندا قازا تاپقاندار دا بار ەكەنى بەلگىلى، ءبىراق بۇل جاپپاي تارتىپسىزدىكتەردىڭ ناتيجەسى بولىپ تابىلادى جانە ءاربىر قازا تاپقان ادام بويىنشا ءقازىر وبەكتيۆتى تەرگەۋ جۇرگىزىلۋدە»، - دەپ اتاپ ءوتتى پولكوۆنيك.
- تەرگەۋدىڭ رۇقسات ەتىلمەگەن ادىستەرى تۋرالى بارلىق شاعىمداردى پروكۋرورلارمەن بىرگە ءىىم وزىندىك قاۋىپسىزدىك بولىمشەلەرى دە مۇقيات تەكسەرەدى
بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى.
«تەرگەۋدىڭ رۇقسات ەتىلمەگەن ادىستەرى تۋرالى اقپاراتقا قاتىستى باس پروكۋراتۋرانىڭ وكىلىمەن ءاربىر شاعىم بويىنشا ەگجەي-تەگجەيلى تالقىلاۋ جۇرگىزىلىپ، ءبىرقاتار قىلمىستىق ىستەر باستالعانىن ايتا الامىن. سونىمەن قاتار، مەملەكەت باسشىسىنىڭ تاپسىرماسى بويىنشا ىشكى ىستەر ورگاندارىنىڭ بارلىق قىزمەتتىك ورىن-جايلارى جاپپاي بەينەباقىلاۋمەن جابدىقتالعانىن اتاپ وتكىم كەلەدى، بۇل پوليسەيلەر تاراپىنان ۇستالعان ادامدارعا قاتىستى قانداي دا ءبىر زاڭعا قايشى ارەكەتتەر جاسالۋىن ءىس جۇزىندە جوققا شىعارادى. سونداي-اق، قازىرگى كەزدە قىلمىستىق ىستەر بويىنشا بارلىق ادامدار تەرگەۋ ورگاندارىنا رەسمي تۇردە، قالاعان جاعدايدا ادۆوكاتتارىمەن بىرگە شاقىرىلادى»، - دەدى ءىىم وكىلى.
وسى مۇمكىندىكتى پايدالانىپ، ول تاعى دا ارانداتۋشىلىققا بوي الدىرماۋعا جانە جالعان اقپارات تاراتۋدان اۋلاق بولۋعا، تەك رەسمي دەرەككوزدەرگە سەنۋگە جانە تەرگەۋ ناتيجەلەرىن كۇتۋگە شاقىردى. ءىىم ەلدەگى قۇقىقتىق ءتارتىپتى قامتاماسىز ەتۋ جانە ازاماتتاردىڭ كونستيتۋسيالىق قۇقىقتارىن ساقتاۋ بويىنشا بارلىق كۇش-جىگەرىن جۇمسايدى.
- تەرگەۋ-جەدەل توپتارىنىڭ وندىرىسىندە قاڭتار وقيعالارى كەزەڭىندە جاسالعان 2 750 قىلمىستىق ءىس بار – باس پروكۋراتۋرا
4 اقپانداعى جاعداي بويىنشا تەرگەۋ-جەدەل توپتارىنىڭ وندىرىسىندە 2750 قىلمىستىق ءىس تەرگەلۋدە. 802 كۇدىكتى سوت سانكسياسىمەن قاماۋعا الىندى. بۇل تۋرالى ورتالىق كوممۋنيكاسيالار قىزمەتى الاڭىندا باس پروكۋراتۋرانىڭ 1-قىزمەت باستىعىنىڭ ورىنباسارى ەلدوس قيلىمجانوۆ مالىمدەدى.
«قاماۋعا الىنعانداردىڭ 113ء-شى بۇرىن سوتتى بولعان (كىسى ءولتىرۋ، ۇرلىق، توناۋ جانە قاراقشىلىق ءۇشىن) جانە راديكالدى ءدىني اعىمداردىڭ جاقتاۋشىلارى. 91 ادامعا قوعامنان قاتاڭ وقشاۋلاۋعا بايلانىستى ەمەس بۇلتارتپاۋ شارالارى قولدانىلدى»، - دەپ اتاپ ءوتتى سپيكەر.
- ق ر باس پروكۋراتۋراسى: قاداعالاۋ تارتىبىندە ۋاقىتشا ۇستاۋ يزولياتورلارىنان 103 ازامات بوساتىلدى
كۇدىكتىلەردى قاماۋعا الۋ ماسەلەسىن قاراستىرۋ كەزىندە ولاردىڭ ءارقايسىسىنىڭ ىس-ارەكەتى، جەكە باسى، كىناسىن مويىنداۋى جانە تەرگەۋگە كومەك كورسەتۋى ەسكەرىلەدى. بۇل تۋرالى ورتالىق كوممۋنيكاسيالار قىزمەتى الاڭىندا باس پروكۋراتۋرانىڭ 1-قىزمەت باستىعىنىڭ ورىنباسارى ەلدوس قيلىمجانوۆ مالىمدەدى.
«مىسالى، پروكۋرورلار كۇدىكتىنى قاماۋعا الۋ تۋرالى 11 ۇسىنىستى قولدامادى. ۋاقىتشا ۇستاۋ يزولياتورىنان 103 ادام بوساتىلدى. سوتتار دا 80 كۇدىكتىنى قاماۋعا الۋدان باس تارتتى. سونىمەن قاتار، بۇرىن قاماۋعا الىنعانداردىڭ بۇلتارتپاۋ شارالارىن جەڭىلدەتۋدەمىز. مىسالى، پروكۋرورلار الماتى قالاسىندا 59، قىزىلوردا وبلىسىندا 3 جانە شىعىس قازاقستاندا 1 ادامدى قاماۋدان بوساتتى، ولاردان ەشقايدا كەتپەۋ تۋرالى قولحات الىندى. سول سياقتى قىزىلوردالىق پروكۋرورلاردىڭ تالابى بويىنشا سوت سانكسياسىمەن 3 ادام ءۇيقاماققا جىبەرىلدى»،- دەدى قيلىمجانوۆ.
- رۇقسات ەتىلمەگەن تەرگەۋ ادىستەرىن قولدانۋ، بيلىكتى اسىرا پايدالانۋ جانە لاۋازىمدىق وكىلەتتىكتەرگە قاتىستى كەلىپ تۇسكەن 148 شاعىم بويىنشا تەكسەرۋلەر جۇرگىزىلۋدە
اتقارىلىپ جاتقان جۇمىستىڭ اشىقتىعىن قامتاماسىز ەتۋ ءۇشىن قوعامدىق ۇيىمدارمەن تىعىز بايلانىس ورناتىلدى. تەرگەۋدەگى زاڭسىز ارەكەتتەر تۋرالى شاعىمدار ەرەكشە باقىلاۋعا الىنىپ، تەكسەرىلۋدە. بۇل تۋرالى ورتالىق كوممۋنيكاسيالار قىزمەتى الاڭىندا باس پروكۋراتۋرانىڭ 1-قىزمەت باستىعىنىڭ ورىنباسارى ەلدوس قيلىمجانوۆ مالىمدەدى.
«بۇگىنگى كۇنى پروكۋراتۋراعا تەرگەۋدىڭ رۇقسات ەتىلمەگەن ادىستەرىن قولدانۋ، بيلىك پەن لاۋازىمدىق وكىلەتتىكتەردى اسىرا پايدالانۋ تۋرالى 148 شاعىم كەلىپ ءتۇستى. 105ء-سى بويىنشا قىلمىستىق ءىس قوزعالدى. ونىڭ ىشىندە، الەۋمەتتىك جەلىلەردە ايتىلعان اتىراۋ وبلىسىندا «دينامو» ستاديونىندا ورىن العان جاعدايلار، الماتى وبلىسىندا باتىربايەۆقا قاتىستى جانە باسقا دا فاكتىلەر بار. وسىنداي وقيعالاردىڭ جان-جاقتى، تولىق تەكسەرىلۋىن قامتاماسىز ەتۋ ءۇشىن، ولار بويىنشا تەرگەۋ جۇرگىزۋ جەمقورلىققا قارسى كۇرەس قىزمەتىنە (104) جانە ارنايى پروكۋرورلارعا (1) تاپسىرىلدى. تاعى دا ەسكەرتەيىن، پروكۋرورلار شاعىمدار مەن ارىزدار، سونداي-اق ينتەرنەت ارقىلى تاراتىلعان بارلىق اقپاراتتاردى تەكسەرۋدە»، - دەدى سپيكەر.
- قاڭتار وقيعالارىنىڭ بارلىق جاعدايلارىن تەرگەۋ بەلگىلى ءبىر ۋاقىتتى الادى، وبەكتيۆتى باعالاۋ ءۇشىن 1 300 استام سوت ساراپتاماسى تاعايىندالدى
قۇقىق قورعاۋ ورگاندارى قاڭتارداعى وقيعالاردىڭ بارلىق ءمان-جايلارىن انىقتاۋ ءۇشىن كوپ ۋاقىتتى تالاپ ەتەتىن ۇلكەن جۇمىس اتقارۋدا. بۇگىنگى كۇندە 1 307 مەديسينالىق، بالليستيكالىق جانە باسقا سوت-ساراپتامالىق زەرتتەۋلەر تاعايىندالدى. بۇل تۋرالى ورتالىق كوممۋنيكاسيالار قىزمەتى الاڭىندا باس پروكۋراتۋرانىڭ 1-قىزمەت باستىعىنىڭ ورىنباسارى ەلدوس قيلىمجانوۆ مالىمدەدى.
«تەرگەۋشىلەر 1 500 جۋىق وقيعا بولعان ورىنداردى قاراپ شىقتى، 10 000 استام تەرگەۋ امالدارى جۇرگىزىلدى. 1 279 تۇلعا جابىرلەنۋشى بولىپ تانىلدى. اتقارىلاتىن جۇمىس اۋقىمى وتە كوپ، سول ءۇشىن تەرگەۋ ناتيجەلەرىن كۇتىپ، سابىر ساقتاۋ قاجەت. تەرگەۋ امالدارىنىڭ، ساراپتامالاردىڭ ناتيجەلەرى نەگىزىندە عانا ءار كۇدىكتىنىڭ ىس-ارەكەتىنە قۇقىقتىق باعا بەرىلەتىن بولادى. ال تۇپكىلىكتى، ياعني، كىنانىڭ بار-جوعى، جازانىڭ مولشەرى تۋرالى شەشىمدى تەك سوت قابىلدايدى. سوندىقتان ازاماتتاردان جۇرگىزىلىپ جاتقان جۇمىستارعا تۇسىنىستىكپەن قاراپ، تەك رەسمي مالىمەتتەرگە سەنۋگە جانە جالعان اقپاراتتاردى تاراتپاۋعا شاقىرامىن»،- دەدى پروكۋرور قازاقستاندىقتارعا قاراتىپ ايتقان سوزىندە.
- جالعان مالىمەتتەر تاراتۋدىڭ 10 فاكتىسى بويىنشا سوتقا دەيىنگى تەرگەۋ باستالدى - باس پروكۋراتۋرا
قۇقىق قورعاۋ ورگاندارى الەۋمەتتىك جەلىلەردە «فەيك» اقپاراتتاردى تاراتۋ دەرەكتەرىن انىقتاۋدا. قىلمىستىق كودەكستە كورىنەۋ جالعان اقپارات تاراتقانى ءۇشىن جاۋاپكەرشىلىك قاراستىرىلعان. بۇل تۋرالى ورتالىق كومۋنيكاسيالار قىزمەتىندە وتكەن بريفينگتە باس پروكۋراتۋرانىڭ 1-قىزمەت باستىعىنىڭ ورىنباسارى ەلدوس قيلىمجانوۆ مالىمدەدى.
«قازىرگى كەزدە وسىنداي فاكتىلەر بويىنشا 10 قىلمىستىق ءىس تەرگەلۋدە. ولار بويىنشا 3 جالعان اقپارات تاراتۋشى انىقتالىپ، ونىڭ بىرەۋى قاماۋعا الىندى، ەكەۋى ءۇيقاماقتا وتىر. پروكۋراتۋرا جانە قۇقىق قورعاۋ ورگاندارى قىلمىستاردىڭ تولىق تەرگەلۋىن، زاڭ نورمالارىنىڭ ساقتالۋىن قامتاماسىز ەتۋدە»، - دەدى سپيكەر.