مەيرام قاجىكەن تۋعان ولكەسى – پاۆلودار وبلىسىنان باستاپ قازاقستاننىڭ بارلىق وڭىرلەرىن ارالادى، دەپ حابارلايدى Almaty-akshamy.kz.
پاۆلودارعا ۇمىتكەر اۆتوكولوننانىڭ سۇيەمەلدەۋىمەن شىقتى. ول ءوزىنىڭ سايلاۋ ناۋقانىن سيمۆوليكالىق تۇردە اياقتادى. شتاب قىزمەتكەرلەرى وعان ەستەلىك اكسيا دايىندادى. ولار شىمكەنتتەگى الاڭعا ۇگىت-ناسيحات اتريبۋتتارى بار اۆتوكولىكتەرمەن كەلىپ، كولىكتەردەن مەيرام ءسوزىن قۇراستىردى. كورتەجدى جاۋىپ تۇرعان كولىكتەن ۇمىتكەردىڭ ءوزى شىقتى. الاڭدا ونى ەرىكتىلەر كۇتتى.
"بۇگىن مەن سايلاۋ الدىنداعى ۇگىتىمدى اياقتاپ جاتىرمىن. وسى ۋاقىت ىشىندە مەن كوماندامەن قازاقستاننىڭ 14 وڭىرىندە بولدىم، وندا مىڭداعان سايلاۋشىلارمەن: جۇمىسشىلارمەن، قىزمەتشىلەرمەن، ستۋدەنتتەرمەن، زەينەتكەرلەرمەن كەزدەستىم. جۇزدەگەن ۇسىنىستار مەن ناقتى ماسەلەلەردى تاپسىرمالاردى تىڭدادىم. ادامدار جاقسى جاققا وزگەرگىسى كەلەتىنىن ءتۇسىندىم. بۇل ەڭ ماڭىزدىسى! وكىنىشكە قاراي، 6 وبلىسقا بارۋعا ۋاقىت تاپشى بولدى. سايلاۋشىلاردان كەشىرىم سۇرايمىن"، - دەدى كانديدات قورىتىندىلاي كەلە.
سونداي-اق، قالانىڭ اسپانىنا ادامنىڭ بوستاندىعىن، قادىر-قاسيەتىن، ءال-اۋقاتىن، تاۋەلسىزدىگى مەن جاۋاپكەرشىلىگىن بەينەلەيتىن اەروستات ۇشىرىلدى. پرەزيدەنتتىككە كانديدات ءوزىنىڭ سايلاۋالدى باعدارلاماسىندا وسى قاعيداتتاردىڭ بارلىعىن العا تارتادى.
ۇگىت-ناسيحات كەزەڭىنىڭ سوڭعى كۇنىندە م. قاجىكەن قاسيەتتى ورىن – تۇركىستاندا بولدى. ول بارلىق ايماقتىق سايلاۋ شتابتارىنىڭ قىزمەتكەرلەرىنە، سەرىكتەستەرى مەن جاقىندارىنا كومەك پەن قولداۋ كورسەتكەنى ءۇشىن العىس ايتتى.
"مەنىڭ سەنىمدى ادامدارىما، شتاب قىزمەتكەرلەرىنە جانە بۇكىل قازاقستان بويىنشا ەرىكتىلەرگە كۇندەلىكتى ەڭبەگىڭىز ءۇشىن العىس ايتامىن. سىزدەر وبلىس ورتالىقتارىنان شالعاي اۋداندارعا باردىڭىزدار، ۇجىمدارمەن سويلەستىڭىزدەر، كەز كەلگەن اۋا-رايىندا پاراقشالار تاراتتىڭىزدار. ءسىز كەرەمەت جۇمىس جاسادىڭىزدار. كوپ راقمەت. ءبىز جەڭە الاتىنىمىزعا سەنىمدىمىن"، - دەدى مەيرام قاجىكەن.
ءاربىر كەزدەسۋدە ول قانداي جاعدايلارعا تاپ بولماسىن – مەيلى ول گەس – تەگى گيدروگەنەراتورلاردىڭ نەمەسە شاحتالارداعى بۇرعىلاۋ ماشينالارىنىڭ شۋى بولسىن، ەلەكتر مىس بالقىتۋ پەشىنەن شىققان شۋ بولسىن نەمەسە تەڭىز پورتىنداعى جۇك كەمەلەرىنىڭ ۇزىن جۇكتاسىعىشتارىنىڭ كەدەرگىلەرى بولسىن-م.قاجىكەن ءارقاشان سايلاۋشىلارعا الەۋمەتتىك، ەكونوميكالىق جانە ساياسي سالالاردى رەفورمالاۋ بويىنشا ءوز ۇسىنىستارىن جەتكىزىپ وتىردى.
ول ەڭ تومەنگى جالاقى ەسەپتەۋلەرىن، ازىق-تۇلىك قورجىنىنىڭ قۇرامىن قايتا قاراۋدى، زەينەتاقىنى ارتتىرۋدى، زياندى جانە ءقاۋىپتى وندىرىستەردە جۇمىس ىستەيتىن ايەلدەر مەن جۇمىسشىلاردىڭ زەينەتكەرلىك جاسىن ازايتۋدى ۇسىنادى. ءوز باعدارلاماسىندا كانديدات اسكەري-ونەركاسىپتىك كەشەن قۇرۋدى، اتقارۋشى بيلىكتى رەفورمالاۋدى، جوعارى جانە جوعارى وقۋ ورنىنان كەيىنگى ءبىلىم بەرۋدى جاڭعىرتۋدى، رەسپۋبليكالىق بيۋدجەتتىڭ دەنساۋلىق ساقتاۋعا ارنالعان قاراجاتىن ۇلعايتۋدى جاقتايدى.
ءبىراق مەيرام قاجىكەن ءوزى ءۇشىن ەڭ باستى مىندەت ازاماتتىق قوعامدى دامىتۋ بولىپ تابىلادى.
"باعدارلامانىڭ باستى باعىتى-ادام، ونىڭ قۇقىقتارى مەن مۇددەلەى.قازاقستاندا جۇزەگە اسىرا الاتىن مۇمكىندىكتەرى مەن قابىلەتتەرى. ول ءۇشىن مەملەكەت قولايلى جاعداي جاساۋى كەرەك"، - دەدى ول.
ەستەرىڭىزگە سالا كەتەيىك، ونەركاسىپتىك، ەنەرگەتيكالىق، مۇناي جانە باسقا دا كاسىپورىندارداعى كەزدەسۋلەر كەزىندە قىزمەتكەرلەر ەڭبەك ادامىن بەينەلەيتىن جانە قولداۋدى بىلدىرەتىن مەيرام قاجىكەنگە قورعانىس كاسكالارىن تابىستاعان بولاتىن.
مەيرام قاجىكەنگە كاسكا تاپسىرۋ ترەندكە اينالدى. وتكەن ايدا ەلوردالىق شتاب پوشتا ارقىلى قۇرىلىسشىلاردان، مۇنايشىلاردان، كەنشىلەر مەن مەتاللۋرگتەردەن سەنىم كاسكالارىن الدى. سالەمدەمەلەر قىزىلوردا، تالدىقورعان، پەتروپاۆل، قاراعاندى، الماتى، ماڭعىستاۋ وبلىسى، پاۆلودار، ارقالىق، كوكشەتاۋدان كەلدى. جىبەرۋ ءساتىن جۇمىسشىلار بەينەگە ءتۇسىرىپ، الەۋمەتتىك جەلىلەردە جاريالادى.
كانديدات 21 قازاندا – ۇگىت-ناسيحات باستالىپ، سايلاۋ شتابتارى اشىلعان كۇنى كاسىپوداق وكىلدەرىنەن العاشقى كاسكاسىن العان بولاتىن.