مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتاي قۇرىلدى، دەپ حابارلايدى Almaty-akshamy.kz اقورداعا سىلتەمە جاساپ.
قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتايدى قۇرۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى 2022 جىلعى 15 ماۋسىم قازاقستان رەسپۋبليكاسى كونستيتۋسياسىنىڭ 44-بابى 20) تارماقشاسىنا سايكەس قاۋلى ەتەمىن:
1. قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتاي قۇرىلسىن.
2. قوسا بەرىلىپ وتىرعان:
1) قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتاي تۋرالى ەرەجە؛
2) قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتايدىڭ قۇرامى بەكىتىلسىن.
3. وسى جارلىققا قوسىمشاعا سايكەس، قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانىلسىن.
4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ق. توقايەۆ نۇر-سۇلتان، اقوردا، 2022 جىلعى 14 ماۋسىم