بىلتىرمەن سالىستىرعاندا 1،5 ەسەگە كوپ تۇسكەن.
قازاقستان ۇكىمەتى بيۋدجەتكە سالىق تۇسىمدەرى بويىنشا جوسپار جاقسى ورىندالعانىن ايتتى، دەپ حابارلايدى Almaty-akshamy.kz Baq.kz سىلتەمە جاساپ.
2022 جىلعى 5 ايدا مەملەكەتتىك بيۋدجەتكە سالىق تۇسىمدەرى بويىنشا جوسپار 106،8% ورىندالدى. بەكىتىلگەن جوسپار - 5 894،2 ملرد تەڭگە، ول 398،9 ملرد. تەڭگەگە اسىرا ورىندالىپ، 6 293،1 ملرد تەڭگە ءتۇستى. وتكەن جىلعى سايكەس كەزەڭمەن سالىستىرعاندا سالىقتىق تۇسىمدەر 1،5 ەسەگە نەمەسە 2 145،3 ملرد تەڭگەگە كوپ تۇسكەن. بۇل تۋرالى قم مەملەكەتتىك كىرىستەر كوميتەتىندە حابارلادى.
ونىڭ ىشىندە:
- رەسپۋبليكالىق بيۋدجەت 100،3% ورىندالدى (جوسپار بويىنشا 4 273،5 ملرد تەڭگە، 10،8 ملرد تەڭگەگە اسىرا ورىندالىپ، 4 284،3 ملرد تەڭگە ءتۇستى)، وتكەن جىلعى سايكەس كەزەڭمەن سالىستىرعاندا 1،6 ەسە نەمەسە 1 686،9 ملرد تەڭگەگە ءوستى.
- جەرگىلىكتى بيۋدجەت 123،9% ورىندالدى (جوسپار بويىنشا 1 620،7 ملرد تەڭگە، 388،1 ملرد تەڭگەگە اسىرا ورىندالىپ، 2 008،8 ملرد تەڭگە ءتۇستى) 2021 جىلعى سايكەس كەزەڭمەن سالىستىرعاندا 29،6% نەمەسە 458،4 ملرد تەڭگەگە ءوستى.
2021 جىلعى ۇقساس كەزەڭىمەن سالىستىرعاندا رەسپۋبليكالىق بيۋدجەتكە تۇسىمدەردىڭ ەڭ كوپ سوماسى كورپوراتيۆتى تابىس سالىعى بويىنشا 624،1 ملرد تەڭگەگە نەمەسە 1،9 ەسە، ىشكى ءوندىرىس تاۋارلارىنا قوسىلعان قۇن سالىعى 494،4 ملرد تەڭگەگە نەمەسە 2،2 ەسە، مۇنايعا سالىناتىن ەكسپورتتىق كەدەن باجدارى بويىنشا 356،5 ملرد تەڭگەگە نەمەسە 2 ەسە، ءۇشىنشى ەلدەردەن يمپورتقا قوسىلعان قۇن سالىعى 112،8 ملرد تەڭگەگە نەمەسە 37،8%-عا، پايدالى قازبالاردىڭ وندىرىسىنە سالىناتىن سالىعى 70،5 ملرد تەڭگەگە نەمەسە 35،0%-عا جانە ەاەو ەلدەرىنەن يمپورتقا قوسىلعان قۇن سالىعى 66،6 ملرد تەڭگەگە نەمەسە 20،5%-عا وسكەنى بايقالادى.
تۇسىمدەردىڭ وسۋىنە مىناداي فاكتورلار اسەر ەتتى.
2022 جىلى 5 ايدا وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيسيالارعا، ونىڭ ىشىندە مۇنايعا 65،1%، اليۋمينييگە 44،0%، مىرىشقا 37،9%، قورعاسىنعا 12،6%، مىسقا 10،1% جانە التىن 4،4% باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 56،4%-عا ءوستى (1 توننا ءۇشىن ورتاشا مولشەرلەمەسى 2021 جىلعى قاڭتار-مامىر ايىندا – 55،0$، 2022 جىلعى قاڭتار-مامىر ايىندا 1 توننا ءۇشىن – 86،0$).
اعىمداعى جىلعى 5 ايدا ءۇشىنشى ەلدەرمەن تاۋار اينالىمى 53،6%-عا ءوستى (ەكسپورت 68،9%-عا، يمپورت 19،9%-عا ءوستى).
وتكەن جىلعى ۇقساس كەزەڭىمەن سالىستىرعاندا 2022 جىلعى 5 ايدا وتكىزۋ بويىنشا اينالىم 20،2%-عا ۇلعايدى (40 604 ملرد تەڭگەدەن 48 809 ملرد تەڭگەگە دەيىن).