مەملەكەت باسشىسى قاسىم-جومارت توقايەۆ سي ءسزينپيندى جۇڭگو حالىق رەسپۋبليكاسىنىڭ ءتوراعاسى لاۋازىمىنا قايتا سايلانۋىمەن قۇتتىقتاپ، جەدەلحات جولدادى، دەپ حابارلايدى Almaty-akshamy.kz.
«وتكەن «ەكى سەسسيا» قورىتىندىسى بويىنشا قابىلدانعان ماڭىزدى شەشىمدەر مەن ءسىزدىڭ پاراساتتى ساياساتىڭىز حالقىڭىزدى بيىك قۇندىلىقتارعا جەتەلەپ، قىتايدىڭ بولاشاعىن جارقىن، ال دامۋىن باياندى ەتۋدە مىزعىماس نەگىز بولاتىنىنا نىق سەنىمدىمىن. قازاقستان مەن جۇڭگو اراسىنداعى تىعىز بايلانىستاردىڭ اۋقىمى جىلدان جىلعا كەڭەيىپ كەلە جاتقانىن اسا ريزاشىلىقپەن اتاپ وتەمىن. وسى جەتىستىكتەرىمىز ءسىزدىڭ قوسىپ وتىرعان سۇبەلى ۇلەسىڭىز بەن جەكە قولداۋىڭىزدىڭ ناتيجەسى دەپ بىلەمىن. بىلتىر قىركۇيەكتە قازاقستانعا جاساعان ناتيجەلى ساپارىڭىز ىقپالداستىعىمىزدىڭ كەلەسى «30 جىلدىق التىن داۋىرىنە» جول اشقانى ەرەكشە قۋانتادى»، – دەپ جازىلعان جەدەلحاتتا.
پرەزيدەنت جۇڭگو ءتوراعاسىنىڭ يگى باستامالارىنا ساتتىلىك، جاۋاپتى قىزمەتىنە تولاعاي تابىس، ال دوستاس جۇڭگو حالقىنا قۇت-بەرەكە تىلەدى.