قازاقستاندا فۋتبولدان جاڭا جاسوسپىرىمدەر ليگاسى قۇرىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«QJ League ماقساتى - ۇلتتىق قۇرامعا ساپالى رەزەرۆ دايىنداۋ. بۇل ءبىزدىڭ بالالار مەن جاسوسپىرىمدەر فۋتبولىن دامىتۋداعى نەگىزگى جوبالارىمىزدىڭ ءبىرى. جاڭا ليگا ارقىلى ءبىز دارىندى بالالاردى دايىنداۋعا كومەكتەسەتىن جارىس جۇيەسىن قۇرامىز. بۇل جاس تالانتتار ءۇشىن كاسىبي فۋتبولداعى العاشقى قادام بولادى»، – دەدى قازاقستان فۋتبول فەدەراسياسىنىڭ پرەزيدەنتى ادىلەت بارمەنقۇلوۆ ەلوردادا وتكەن باسپا ءسوز ءماسليحاتىندا.
ليگاعا ەلىمىزدىڭ بارلىق وڭىرىنەن جاس فۋتبولشىلار قاتىسادى. ءتۋرنيردىڭ ءبىرىنشى ماۋسىمىنا 18 جاسقا دەيىنگى 12 كوماندا قاتىسپاق. 2025 جىلى QJ ليگاسىندا ۇلدار ءۇشىن التى ليگا (ءۇش جاس ساناتىنا وراي ەكى ليگا) جانە قىزدار اراسىندا ءبىر ليگا قۇرىلادى دەپ جوسپارلانۋدا. جالپى جارىسقا 70-تەن استام كوماندا مەن 3000 سپورتشى قاتىسادى دەپ كۇتىلۋدە.
«ەلىمىزدە كوپتەگەن دارىندى بالالار بار. ءبىراق ولاردىڭ وزدەرىن كورسەتۋگە ۇنەمى مۇمكىندىكتەرى بولا بەرمەيدى. QJ ليگاسىن قۇرۋ ارقىلى ءبىز ولارعا مۇمكىندىك بەرەمىز. بالالار فۋتبولىنىڭ دامۋىنا جۇيەلى تۇردە قاراۋ كەرەك. ايتپەسە، وڭ ناتيجە بولمايدى. QJ League- قازاقستاندىق فۋتبولداعى ريەۆوليۋسيا ىسپەتتى، ەندى جاسوسپىرىمدەر 100% كاسىبي دەڭگەيدە ۇيىمداستىرىلاتىن تۋرنيرگە قاتىسادى. QJ League بۇكىل قازاقستاندىق فۋتبول ءۇشىن ەرەكشە تريگگەر بولاتىنىنا، ونىڭ دامۋىنا كومەكتەسەتىنىنە سەنىمدىمىن»، - دەيدى QJ ليگاسىنىڭ پرەزيدەنتى روحۋس شوح.
QJ League-2023 قاتىسۋشىلارىنىڭ قۇرامى: «اقسۋ» (پاۆلودار وبلىسى)، «اقتوبە»، «استانا»، «اتىراۋ»، «جاس قىران» (الماتى)، «قايرات» (الماتى)، «قايسار» (قىزىلوردا)، «كاسپيي» (اقتاۋ)، «وڭتۇستىك» (شىمكەنت)، «ورداباسى» (شىمكەنت)، «تاراز»، «شاحتەر» (قاراعاندى).
ليگانىڭ بيىلعى ماۋسىمىندا 132 ماچ وتەدى. تۋرنيردە ءار كوماندا 22 ماچ وتكىزەدى (ۇيدە جانە سىرتتا 11 ماچ). ماۋسىم قازان ايىندا اياقتالادى.
فۋتبولدان جاسوسپىرىمدەر ليگاسىنىڭ العاشقى ماچى 22 ساۋىردە «استانا ارەنا» سپورت كەشەنىندە ساعات 17:00-دە باستالادى.