الماتى وبلىسى پوليسيا دەپارتامەنتىنىڭ بۇرىنعى باسشىسى سەرىك كۇدەبايەۆ اۋرۋحاناعا ءتۇستى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
گەنەرال-مايور كۇدەبايەۆقا قاتىستى ۇكىم 10 ناۋرىزدا شىعۋى كەرەك ەدى. الايدا بۇرىنعى پوليسيا باسشىسىنا قاتىستى سوت وتىرىسى بەلگىسىز مەرزىمگە شەگەرىلدى.
«تالدىقورعان قالالىق سوتىنىڭ باسپا ءسوز قىزمەتىنىڭ مالىمەتىنشە، سوتتالۋشىنىڭ اۋرۋحاناعا جاتقىزىلۋىنا بايلانىستى سوت وتىرىسى كەلەسى اپتاعا شەگەرىلدى»، - دەدى جەتىسۋ وبلىستىق سوتىنىڭ رەسمي وكىلى نۇرسۇلتان ورىنباساروۆ. كۇدەبايەۆتىڭ قانداي دياگنوزبەن اۋرۋحاناعا تۇسكەنى ايتىلمايدى.
سەرىك كۇدەبايەۆقا «بيلىكتى نەمەسە لاۋازىمدى اسىرا پايدالاندى» دەگەن ايىپ تاعىلىپ وتىر. قىلمىستىق كودەكستىڭ 362-بابى بويىنشا وعان ورتاشا قاۋىپسىزدىك كولونياسىندا توعىز جىلعا باس بوستاندىعىنان ايىرۋ جازاسى تاعايىندالۋى مۇمكىن.