ءومىر بويى باس بوستاندىعىنان ايىرۋ ەڭ قاتاڭ جازا بولىپ قالا بەرەدى
زاڭعا سايكەس، قىلمىستىق كودەكستىڭ جالپى بولىمىندەگى 11 باپتىڭ ىشىنەن ءولىم جازاسى جازا ءتۇرى رەتىندە، ونىڭ ىشىندە جازالاۋ، تاعايىنداۋ جانە جازانى اۋىستىرۋ جۇيەسى تۋرالى باپتاردان الىنىپ تاستالادى. بۇدان بولەك، موراتوريي كەزىندەگى جاعدايلار مەن قولدانىس تالاپتارىنا ساي ءولىم جازاسى ۇعىمى تۋرالى ارنايى باپ جويىلادى.
ءولىم جازاسى قىلمىستىق كودەكستىڭ 17 بابىنىڭ سانكسياسىنان الىنىپ تاستالادى. وسىلايشا ءومىر بويى باس بوستاندىعىنان ايىرۋ ەڭ قاتاڭ جازا بولىپ قالا بەرەدى. قىلمىستىق كودەكسكە ەنگىزىلگەن تولىقتىرۋلارعا سايكەس، ءولىم جازاسى ءومىر بويىنا باس بوستاندىعىنان ايىرۋمەن الماستىرىلعان ادامداردى شارتتى تۇردە مەرزىمىنەن بۇرىن بوساتۋعا تىيىم سالىنادى.
دەپۋتاتتار 23 جەلتوقساندا ق ر پارلامەنتى سەناتىنىڭ پلەنارلىق وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءولىم جازاسىن جويۋ ماسەلەسى بويىنشا وزگەرىستەر مەن تولىقتىرۋ ەنگىزۋ تۋرالى» زاڭدى قابىلدادى.
اقوردانىڭ حابارلاۋىنشا، زاڭنىڭ ءماتىنى باسپاسوزدە جاريالانادى.