الماتىدا كرەاتيۆتىك يندۋستريالاردى دامىتۋ پەرسپەكتيۆالارى تالقىلاندى

كرەاتيۆتىك يندۋستريانى دامىتۋ ءۇشىن باسىم باعىتتار ايقىندالدى

كرەاتيۆتىك يندۋستريالاردى دامىتۋ ءۇشىن مۋزىكا، كينو، ديزاين، جاڭا مەديا، جارناما جانە ت.ب. سياقتى باسىم باعىتتار ايقىندالدى. ينفراقۇرىلىم، ءبىلىم بەرۋ ورتاسى قۇرىلۋدا، قارجىلىق قولداۋ شارالارى قابىلدانۋدا.

الماتى قالاسى اكىمى ب. ساعىنتايەۆتىڭ توراعالىعىمەن وتكەن كرەاتيۆتىك يندۋستريالار كەڭەسىندە ءوتىپ بارا جاتقان جىلعى جۇمىستىڭ نەگىزگى ناتيجەلەرى مەن الداعى ەكى جىلعا ارنالعان دامۋ جوسپارلارى قارالدى، دەپ حابارلايدى Almaty-akshamy.kz.

قالانىڭ زاماناۋي كرەاتيۆتى كەڭىستىگىن ۇيىمداستىرۋ ماقساتىندا Alatau سreative نub اشىلدى. Depo Evolution Park قۇرىلىسى جۇرگىزىلۋدە، كرەاتيۆتىك يندۋستريالار پاركى مەن زاماناۋي ونەر مۇراجايىن قۇرۋ جوسپارلانۋدا.

De Montfort University Kazakhstan جاڭا حالىقارالىق ۋنيۆەرسيتەتىندە ماماندار دايارلاۋ ءۇشىن ات جانە ديزاين بويىنشا سۇرانىسقا يە پاندەر اشىلدى. سونىمەن قاتار، 11 كرەاتيۆتى باعىت بويىنشا Almaty Creative Class ءبىلىم بەرۋ پلاتفورماسى قۇرىلدى.

اعىمداعى جىلى Almaty Creathon 2021 كرەاتيۆتى ستارتاپتار بويىنشا چەمپيونات وتكىزىلدى. كەڭەستە كرەاتوننىڭ ۇزدىك بەس كومانداسى الماتى اكىمىنىڭ العىس گراموتالارىمەن ماراپاتتالدى. سونىمەن بىرگە ولارعا Alatau سreative hub-دا جۇمىس كەڭىستىگى بەرىلدى.

كەڭەس بارىسىندا كرەاتيۆتى كەڭىستىكتى ۇيىمداستىرۋ جونىندەگى ساراپشىلاردىڭ ۇسىنىستارى قارالدى. سونداي-اق، الداعى كەزەڭگە، ونىڭ ىشىندە مەگاپوليستىڭ كرەاتيۆتى يندۋستريالارىن دامىتۋدىڭ ناقتى شارالارىن ازىرلەۋ جونىندەگى مىندەتتەر ايقىندالدى.