ق ر پرەمەر-مينيسترى ءاليحان سمايىلوۆ قازاقستان، وزبەكستان جانە رەسەي اراسىندا «گاز وداعىن» قۇرۋ مۇمكىندىگىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«قازىرگى ۋاقىتتا ءۇشجاقتى گاز وداعىن قۇرۋ بويىنشا رەسمي ۇسىنىس العان جوقپىز. العان كەزدە ونى قاراستىرا جاتارمىز»، - دەدى ءاليحان سمايىلوۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ۇكىمەت باسشىسىنىڭ اتاپ وتۋىنشە، رەسەيمەن اراداعى گازبەن قامتۋ سالاسىنداعى ىنتىماقتاستىق ماسەلەسى ەكىجاقتى كەلىسسوزدەر ارقىلى جۇرگىزىلىپ جاتىر.
«تاياۋ ۋاقىتتا «گازپروممەن» كەلىسسوزدىڭ كەلەسى كەزەڭىن كۇتىپ وتىرمىز. بۇكىل قارىم-قاتىناس كوممەرسيالىق جانە ءوزارا ءتيىمدى شارتتارمەن جاسالادى. ءبىز ەكىجاقتى فورماتتاعى جۇمىستى جالعاستىرامىز»، - دەدى پرەمەر-مينيستر.