جەلىلىك پوليسيا ءبولىمىنىڭ قىزمەتكەرلەرى ولاردى الماتى اۋەجايىندا ۇستادى
ءۇندىستاننىڭ ءۇش ازاماتى ق ر كوشى-قون زاڭناماسىن بۇزعانى ءۇشىن ەلدەن تىسقارى شىعارىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
وسى جىلدىڭ باسىنان بەرى كولىك پوليسەيلەرى قازاقستاننىڭ كوشى-قون زاڭناماسىن بۇزعانى ءۇشىن 121 ازاماتتى، ونىڭ ىشىندە 86 شەتەلدىكتى قازاقستان اۋماعىندا بولۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتتى. بۇل تۋرالى كولىكتەگى پوليسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ ايتتى. ونىڭ ايتۋىنشا، الماتى قالاسىنىڭ اۋەجايىنداعى جەلىلىك پوليسيا ءبولىمىنىڭ قىزمەتكەرلەرى رەيدتىك ءىس-شارالار جۇرگىزۋ كەزىندە ق ر كوشى-قون زاڭناماسىن بۇزعان 19، 21 جانە 32 جاستاعى ءۇندىستان ازاماتتارىن انىقتادى. ولار زاڭنامادا بەلگىلەنگەن مەرزىم وتكەننەن كەيىن ون تاۋلىكتەن استام ۋاقىت ىشىندە كەتۋدەن جالتارعان.
– كولىك پوليسەيلەرى شەتەلدىك ازاماتتارعا قاتىستى ق ر اقبتك-نىڭ 517-بابىنىڭ 4-بولىگى (شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) بويىنشا اكىمشىلىك حاتتاما تولتىردى. ءدال وسىنداي قۇقىقبۇزۋشىلىق شۋ ستانسياسىندا كوكشەتاۋ–قىزىلوردا باعىتىنداعى جولاۋشىلار پويىزىن تەكسەرۋ كەزىندە دە انىقتالدى. بۇل جولى تاجىكستان رەسپۋبليكاسىنىڭ 28 جاستاعى ازاماتىنا قاتىستى ق ر اقبتك-نىڭ 517-بابى 4-بولىگى (شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) بويىنشا اكىمشىلىك ماتەريال تولتىرىلدى. سونداي-اق اكىمشىلىك قۇقىق بۇزۋشىلىقتار جونىندەگى سوتتىڭ شەشىمىمەن جوعارىدا اتالعان قۇقىقبۇزۋشىلار ق ر اۋماعىنا كىرۋگە 5 جىل مەرزىمگە تىيىم سالۋ بەلگىلەنىپ، قازاقستان رەسپۋبليكاسىنان تىس جەرلەرگە شىعارىپ جىبەرۋ تۇرىندە جاۋاپقا تارتىلدى، – دەپ ءسوزىن تۇيىندەدى ماديار ايتۋعانوۆ.