كاسىپكەرلەر 50 كيىز ءۇي ساتىپ الىپ، اۋەجايدىڭ قويماسىنا جەتكىزگەن
قازاقستاندىقتار تۇركيادا ءزىلزالادان زارداپ شەككەندەرگە 100-دەن استام كيىز ءۇي جىبەرەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كومەكتى ۇيىمداستىرۋشى نۇربەك بەكباۋ قازاقستاندىقتاردىڭ 20 ملن تەڭگەدەن استام قاراجات جيناعانىن ايتتى. 17 ملن 300 مىڭ تەڭگەگە 45 كيىز ءۇي الىنعان. كەيىن تاعى 2 ملن 700 مىڭ تەڭگەگە تۇرمىستىق زاتتار (وشاق، قازان، ىدىس-اياق) الىنادى.
ودان بولەك، وتاندىق كاسىپكەرلەر 50 كيىز ءۇي ساتىپ الىپ، اۋەجايدىڭ قويماسىنا جەتكىزگەن.
بۇعان دەيىن قازاقستاندىقتار تۇركيادا زارداپ شەككەندەرگە كيىز ءۇي الۋعا 18 ملن تەڭگە جيناعانى حابارلانعان ەدى.
«كيىز ءۇيدىڭ پسيحيكالىق، پسيحولوگيالىق ماڭىزى دا بار. تۇرىكتەر قازاقستاندى «اتاجۇرت» دەپ اتايدى، ويتكەنى قازاقستان اۋماعى – بارلىق تۇركىلەردىڭ، ونىڭ ىشىندە قازىرگى تۇرىكتەردىڭ اتا-بابالارىنىڭ وتانى. ءبىز تۇركياداعى باۋىرلارىمىزعا ءارقاشان كومەك كورسەتەتىنىمىزدى جانە ىنتىماقتى كورسەتكىمىز كەلەدى»، - دەدى نۇربەك بەكباۋ.