قىتايعا بارعان قازاقستاندىقتار ەندى قولما-قول اقشا نەمەسە كارتا الىپ جۇرمەسە دە بولادى.
سەبەبى جۇڭگو اۋماعىنداعى دۇكەندەر، كافەلەر، تاكسي جانە باسقا دا 80 ميلليوننان استام ساۋدا، قىزمەت كورسەتۋ نۇكتەلەرىندە Kaspi.kz قوسىمشاسىنداعى QR كود ارقىلى تولەم جاساۋعا مۇمكىندىك بار، دەپ حابارلايدى Almaty-akshamy.kz
"كوپتەگەن قازاقستاندىق قىتايدا جۇمىس ىستەيدى، وقيدى جانە دەمالادى. ءبىز سۇيىكتى تۇتىنۋشىلارىمىزدان شەتەلدە تولەم جاساۋ ءوز ەلىمىزدەگىدەي وڭاي بولسا دەگەن پىكىردى ءجيى الامىز. سوندىقتان ءبىز AliPay+ كومپانياسىمەن سەرىكتەستىك ورناتىپ، ءاربىر قازاقستاندىق ءۇشىن جاڭا قىزمەتتى ىسكە قوستىق. ەندى Kaspi.kz ءموبيلدى سۋپەرقوسىمشاسىنىڭ كومەگىمەن قىتايدىڭ تۇكپىر-تۇكپىرىندەگى ساۋدا نۇكتەلەرىندە كەز كەلگەن تاۋار اقىسىن تولەۋگە بولادى. ءبىز سەرىكتەسىمىز AliPay+ سەرىكتەستىگى ءۇشىن، ال سۇيىكتى كليەنتتەرىمىزگە - بىزبەن بىرگە بولعانى ءۇشىن العىس ايتامىز!" دەدى Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە.