بۇل تەرمينال قازاقستانداعى بانكتەردىڭ بارىنە ورتاق قىزمەت كورسەتپەك.
ەلەكتروندى ساۋدانى دامىتۋعا ارنالعان «E-commerc Forum» اتتى فورۋمدا ۆيسە-مينيستر اسەل جاناسوۆا وسىنداي جوسپار بار ەكەنىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ايتۋىنشا،بۇل قولما-قول اقشاسىز اتقارىلاتىن ساۋدانىڭ ۇلەسىن ۇلعايتىپ، اشىقتىققا جول اشادى.
«بىلتىر ءبىز QR-تولەمدى تەڭەستىرىپ، QR-كودتاردى ستاندارتتاۋعا كۇش سالدىق. كىمنىڭ كليەنتى ەكەنىڭ ماڭىزدى ەمەس، Halyk Bank، Kaspi، Jusan قوسىمشاسىن پايدالانساڭ دا، ءبارىنىڭ جۇيەسى وقيتىن ورتاق QR بولۋى كەرەك. بيزنەستىڭ ءار سۋبەكتىسىنە ءبىر-بىر POS-تەرمينال ۇستاپ قاجەت ەمەس. ءار تەرمينالعا اقى تولەۋ كەرەك بولادى. بارىنە ورتاق ءبىر تەرمينال بولسا، وعان نارىقتاعى بۇكىل ويىنشىلار قاتىسا الۋى كەرەك. بيىل بۇكىل بانكتەر ءوز جۇيەسىن جەتىلدىرەدى. سونىڭ ارقاسىندا قازاقستاندىقتار كەز كەلگەن تەرمينالدان تولەم جاساي الادى. ياعني، بانكتەر ءبىر-بىرىنىڭ QR تولەمدەرىن وقي بەرەتىن بولادى»، - دەدى اسەل جاناسوۆا.