655 العاشقى مەديسينالىق-سانيتارلىق كومەك وبەكتىلەرىن سالۋ جوسپارلانىپ وتىر.
دەنساۋلىق ساقتاۋ مينيسترلىگى «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىن ازىرلەدى، دەپ حابارلايدى Almaty-akshamy.kz Egemen.kz cىلتەمە جاساپ.
جوبانىڭ ماقساتى - بارلىق اۋىلدىق ەلدى مەكەندەردى باستاپقى مەديسينالىق-سانيتاريالىق كومەك ۇيىمدارىمەن قامتاماسىز ەتۋ، سونداي-اق اۋىل حالقىنا شۇعىل مەديسينالىق كومەك كورسەتۋ تيىمدىلىگىن ارتتىرۋ ەسەبىنەن قالالىق جانە اۋىلدىق دەنساۋلىق ساقتاۋ اراسىنداعى تەڭگەرىمسىزدىكتى قىسقارتۋ.
جوبا كەلەسى نەگىزگى مىندەتتەردى شەشۋدى كوزدەيدى:
- اۋىلداردا جەتىسپەيتىن مەديسينالىق پۋنكتتەر، فەلدشەرلىك-اكۋشەرلىك پۋنكتتەر، دارىگەرلىك امبۋلاتوريالار سياقتى بمسك وبەكتىلەرىن سالۋ.
- رەسپۋبليكانىڭ بۇكىل اۋماعىن زاماناۋي كوپ بەيىندى اۋدانارالىق ورتالىق اۋرۋحانالار جەلىسىمەن قامتۋ، سونىڭ ىشىندە ينسۋلت ورتالىقتارىن، كارديولوگيا، رەانيماسيا، وڭالتۋ بولىمشەلەرىن كت، مرت، ۋدز، ءوجج جانە باسقا دا قاجەتتى اپپاراتتارمەن جاراقتاندىرۋ.
جوبا شەڭبەرىندە اۋىلداردا 655 العاشقى مەديسينالىق-سانيتارلىق كومەك وبەكتىلەرىن سالۋ، رەكونسترۋكسيالاۋ، قوسىمشا جاراقتاندىرۋ، سونىڭ ىشىندە 700 مىڭنان استام اۋىل تۇرعىندارىن مەديسينالىق كومەكپەن قامتۋعا مۇمكىندىك بەرەتىن جاڭا 228 جانە جۇمىس ىستەپ تۇرعاندارىنىڭ ورنىنا 427 وبەكت سالۋ جوسپارلانىپ وتىر.
سونىمەن قاتار، اۋىلدارداعى مەديسينالىق جانە فەلدشەرلىك-اكۋشەرلىك پۋنكتتەر، دارىگەرلىك امبۋلاتوريالار زاماناۋي جابدىقتارمەن جابدىقتالادى، سونداي-اق تىركەۋ ورنى مەن كۇتۋ بولمەسى ديزاينىنىڭ ءبىرىڭعاي تۇجىرىمداماسى پايدالانىلاتىن بولادى.
دەنساۋلىق ساقتاۋ مينيسترلىگىنىڭ حابارلاۋىنشا، رەسپۋبليكادا امسك نىساندارىنىڭ توزۋى 51،6%-دى قۇرايدى، قازىرگى ۋاقىتتا 33 اپاتتى نىسان بار.
دەنساۋلىق ساقتاۋ مينيسترلىگىنىڭ الدىن الا باعالاۋى بويىنشا، بۇعان شامامەن 126،5 ملرد تەڭگە، ونىڭ ىشىندە باستاپقى مەديسينالىق-سانيتارلىق كومەك كورسەتۋگە 9،16 ملرد تەڭگە قاجەت.
جاڭا مەديسينالىق نىسانداردى كادرلارمەن قامتاماسىز ەتۋ ءۇشىن ەلىمىزدىڭ 61 مەديسينالىق كوللەدجىندە 16 570 مەدبيكە مەن 17 585 فەلدشەر دايىندالادى دەپ جوسپارلانۋدا.
بۇدان باسقا، جۇمىس ىستەپ تۇرعان 12 ورتالىق اۋداندىق اۋرۋحانانى جاڭعىرتۋ جانە 20 جاڭا كوپبەيىندى ورتالىق اۋرۋحانانى اشۋ جوسپارلانۋدا، ولار «التىن ساعات» قاعيداتىن ساقتاي وتىرىپ، ينفاركت، ينسۋلت، اۋىر جاراقات جانە باسقا دا جاعدايلار كەزىندە شۇعىل مەديسينالىق كومەك كورسەتە الادى.
ناتيجەسىندە قان اينالىمى جۇيەسى اۋرۋلارىنان بولاتىن ءولىم-جىتىمدى 100 مىڭ تۇرعىنعا شاققاندا 226،9-دان 134،85-كە دەيىن تومەندەتۋ، 4 ملن-نان استام اۋىل تۇرعىندارىن ساپالى، جەدەل جانە جوعارى تەحنولوگيالىق مەديسينالىق كومەكپەن قامتاماسىز ەتۋ كۇتىلۋدە.
قۇجات جاريا تالقىلاۋ ءۇشىن 21 قىركۇيەككە دەيىن اشىق نقا سايتىندا ورنالاستىرىلعان.