بيىلعى 11-12 قىركۇيەگىندە رەسەي فەدەراسياسىمەن شەكارادا ورنالاسقان باتىس قازاقستان وبلىسىنىڭ تەمىر جول فيتوسانيتاريالىق باقىلاۋ بەكەتىندە 8 ۆاگون بيداي تابىلىپ، رەسەي فەدەراسياسىنا قايتارىلدى.
526 توننا ساراتوۆ جانە تۋلا وبلىستارىنان شىمكەنت قالاسىنا جەتكىزىلدى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
بۇل جۇمىستى وسىمدىكتەر كارانتينى جونىندەگى مەملەكەتتىك ينسپەكتورلار ق ر ۇقك شقد "جايىق" شەكارالىق باقىلاۋ بولىمشەسىنىڭ اسكەري قىزمەتشىلەرىمەن بىرلەسىپ جۇرگىزەدى.
ەستەرىڭىزگە سالا كەتەيىك، ىشكى نارىقتى قورعاۋ جانە استىقتى كەرى ەكسپورتتاۋ فاكتىلەرىن بولدىرماۋ ءۇشىن 2024 جىلعى 26 شىلدەدە سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا ءترانزيتتى قوسپاعاندا، ءۇشىنشى ەلدەردەن جانە ەاەو ەلدەرىنەن قازاقستان اۋماعىنا كولىكتىڭ بارلىق تۇرلەرىمەن بيدايدى اكەلۋگە تىيىم سالۋدى ەنگىزۋ تۋرالى شەشىم قابىلداندى