الماتىدا قالا كۇنى قارساڭىندا قوعامدىق ورىنداردى تازالاۋ بويىنشا اۋداندىق اكسيالار ءوتت، دەپ حابارلايدى aqshamnews.kz
الماتىدا قالا كۇنى قارساڭىندا «تازا قازاقستان» رەسپۋبليكالىق باعدارلاماسى اياسىندا قالادا جاپپاي تازالىق جۇمىستارى ءوتتى. ءىس-شاراعا ەرىكتىلەر مەن قالانىڭ كوممۋنالدىق قىزمەتتەرى قاتىسىپ، 103 بىرلىك تەحنيكا مەن 1400-دەن استام ادام جۇمىلدىرىلدى.
«بۇگىن اسەم قالا - الماتى كۇنى قارساڭىندا بەلسەندى جاستار، قالانىڭ جاپپاي تازالىق جۇمىستارىنا قاتىستىق. قالامىزدىڭ تازالىعى مەن سۇلۋلىعىن ساقتاۋ – مەنىڭ ازاماتتىق بورىشىم. سەنبىلىكتىڭ ارقاسىندا جاڭا دوستار تاپتىم، كوماندادا جۇمىس ىستەدىم جانە قالامىزدىڭ تازالىعىنا كىشكەنتاي بولسا دا ۇلەس قوستىم»، — دەدى ەرىكتى دارىن ەرشاتوۆ.
قاتىسۋشىلار دەمالىس ايماقتارىن، وزەن جاعالاۋلارى مەن بوس جاتقان جەرلەردى تازالادى، ونىڭ ىشىندە بەنت توعاندارى، ۇلكەن الماتى وزەنى، قارعالى وزەنى جانە باسقا دا اۋماقتار بار. سونداي-اق، بۇقار جىراۋ بۋلۆارى، انگارسكايا كوشەسى، مۇزتاۋ شاعىن اۋدانى جانە باسقا دا قوعامدىق ورىندار تازارتىلدى.
سەنبىلىكتە قاتىسۋشىلار شامامەن 652 م³ (130،4 توننا) قوقىس جيناپ، شىعاردى. مۇنداي سەنبىلىكتەر قالانىڭ ەكولوگيالىق جاعدايىن جاقسارتۋعا جانە قالا كۇنى قارساڭىنداعى دايىندىققا ۇلەس قوستى.