ەۋروپالىق وداق قازاقستاننىڭ ەڭ ءىرى ساۋدا جانە ينۆەستيسيالىق سەرىكتەسى.
استانادا ق ر پرەمەر-مينيسترى ءاليحان سمايىلوۆتىڭ توراعالىعىمەن «قازاقستان-ەۋرووداق» ديالوگ پلاتفورماسىنىڭ 13ء-شى وتىرىسى ءوتتى، دەپ حابارلايدى Almaty-akshamy.kz
ەۋروپالىق ينۆەستيسيالاردىڭ جالپى كولەمى $175 ملرد-تان استى.
6 ايدا ەو ەلدەرى ق ر ەكونوميكاسىنا $5،2 ملرد ينۆەستيسيا سالدى.
«قازاقستاننىڭ سىرتقى ساۋداسىندا ەو ۇلەسى شامامەن 30%-دى قۇرايدى. 10 ايدا تاۋار اينالىمى $34 ملرد-تان استى. بۇل كورسەتكىشتەر ساۋدا-ەكونوميكالىق ىنتىماقتاستىقتى ارتتىرۋعا نەگىزدەلگەن جۇيەلى باعىتىمىزدى ايقىنداي تۇسەدى»،-دەدى ءاليحان سمايىلوۆ.
بيزنەس ءۇشىن قولايلى جاعدايلار جاساۋ جانە ينۆەستيسيالىق احۋالدى جاقسارتۋ ۇكىمەتتىڭ باسىم مىندەتتەرىنىڭ ءبىرى ەكەنى اتاپ ءوتىلدى.
«ءبىز ساپالى جانە ۇزاق مەرزىمدى ينۆەستيسيالاردى تارتۋ ءۇشىن بارىنشا قولايلى جاعدايلار جاساۋعا ۇمتىلامىز. ول ءۇشىن ەڭ ۇزدىك الەمدىك ستاندارتتارعا سايكەس ينۆەستيسيالاردى قولداۋدىڭ نورماتيۆتىك-قۇقىقتىق بازاسى مەن قۇرالدارى تۇراقتى نەگىزدە جەتىلدىرىلىپ وتىرادى»،-دەدى ءاليحان سمايىلوۆ.
جالپى، پرەمەر-مينيستردىڭ ايتۋىنشا، ق ر ۇكىمەتى قولايلى ينۆەستيسيالىق احۋال جاساۋعا باعىتتالعان مەملەكەتتىك ساياساتتى كەزەڭ-كەزەڭمەن جالعاستىرادى.