جولاۋشىلار SMS-حابارلامالاردى مۇقيات باقىلاۋ كەرەك.
قازاقستاندىق اۋەكومپانيالار اۋا رايىنىڭ قولايسىزدىعىنان رەيستەردىڭ كەشىگۋى مەن توقتاتىلۋى مۇمكىن ەكەنىن ەسكەرتىپ، جولاۋشىلاردان تۇسىنىستىكپەن قاراۋدى سۇرادى، دەپ حابارلايدى Almaty-akshamy.kz
"قۇرمەتتى جولاۋشىلار، قازاقستاننىڭ ءبىرقاتار قالالارىندا اۋا رايىنىڭ قولايسىزدىعىنا بايلانىستى رەيستىڭ كەشىگۋى جانە توقتاتىلۋى مۇمكىن. اۋە كومپانياسىنىڭ ۆەب-سايتىندا نەمەسە SMS ارقىلى رەيسىڭىزدىڭ كۇيىن تەكسەرىڭىز. ۇشۋ كەشىگۋلەرى كەزەك كۇتۋگە بايلانىستى بولۋى مۇمكىن. شىدامدىلىعىڭىز ءۇشىن العىس ايتامىز جانە وسىنداي جاعدايلارعا تۇسىنىستىكپەن قاراۋىڭىزدى سۇرايمىز"، - دەپ جازدى SCAT.
SCAT تۇتىنۋشىلارىنىڭ قانداي دا ءبىر سۇراعى بولسا، تۇتىنۋشىلارعا قولداۋ كورسەتۋ ورتالىعىنىڭ تاۋلىك بويى جۇمىس ىستەيتىنىن اتاپ ءوتتى.
سونىمەن قاتار، "ەير استانا" ەل بويىنشا اۋا رايىنىڭ قولايسىزدىعى تۋرالى حابارلادى، بۇل رەيستەردىڭ كەشىگۋىنە اكەلۋى مۇمكىن.
"اۋە كومپانياسىنىڭ ۆەب-سايتىندا رەيستىڭ كۇيىن تەكسەرىڭىز. رەيستەردىڭ كەشىگۋىنە قاتىستى سەنىم تەلەفونى تاۋلىك بويى جۇمىس ىستەيدى"، - دەپ اتاپ ءوتتى كومپانيا.