الماتى قالاسىنىڭ مەدەۋ اۋدانىندا وقۋشى ورنىنىڭ تاپشىلىعىن تومەندەتۋ ءۇشىن 8 جوبا جۇزەگە اسىرىلۋدا. بۇل تۋرالى رسك بريفينگىندە اۋدان اكىمى ەركەبۇلان ورازالين مالىمدەدى، دەپ حابارلايدى almaty-akshamy.kz
«بۇگىندە مەكتەپ ورىندارىنىڭ تاپشىلىعى 3 461 ورىندى قۇرايدى. جاڭا جوبالار 5 مىڭ جاڭا ورىندى قامتاماسىز ەتۋگە مۇمكىندىك بەرەدى. بۇل قوسىمشا قۇرىلىستار سالۋ جانە سەيسميكالىق كۇشەيتۋ ارقىلى كۇردەلى جوندەۋ. تامىز ايىندا №35 مەكتەپكە 300 ورىندى جانە №99 مەكتەپكە 250 ورىندى جاپسارلاس 2ء-شى جسق بويىنشا ساراپتاما قورىتىندىلارى الىندى. قۇرىلىس-مونتاجداۋ جۇمىستارىن باستاۋ 2024 جىلدىڭ 2 توقسانىنا جوسپارلانعان»، - دەپ اتاپ ءوتتى ەركەبۇلان ورازالين.
سونداي-اق، ونىڭ ايتۋىنشا، تامىز ايىندا №48 مەكتەپتى 250 ورىندعا كەڭەيتۋ مەن قايتا جاڭارتۋ، ال №131 مەكتەپتە سەيسميكالىق كۇشەيتۋمەن كۇردەلى جوندەۋ جۇمىسى اياقتالدى. ال جەلتوقسان ايىندا اۋدان اكىمدىگى №131 جانە №168 مەكتەپتەرگە باستاۋىش سىنىپتار ءۇشىن قوسىمشا قۇرىلىس سالۋعا ارنالعان ەكى جسق بويىنشا ءارقايسىسى 300 ورىندى ساراپتاما قورىتىندىسىن الادى دەپ كۇتەدى. بۇدان باسقا، №33، 161 جانە 17 مەكتەپتەردى سەيسميكالىق كۇشەيتە وتىرىپ، قايتا جاڭارتۋعا جسق ازىرلەنۋدە.
«№33 مەكتەپ بويىنشا تامىز ايىندا ساراپتاما الىندى، قۇرىلىس-مونتاجداۋ جۇمىستارىنىڭ باستالۋى – 2024 جىلدىڭ 1 توقسانى. №161 جانە №17 مەكتەپتەر بويىنشا مەملەكەتتىك ساراپتاما ناتيجەلەرىن اقپان ايىندا جانە 2024 جىلدىڭ 2 توقسانىندا قۇرىلىس-مونتاجداۋ جۇمىستارىنىڭ باستالۋىن كۇتەمىز. سونداي-اق، قۇلجا تراكتىنىڭ وڭتۇستىگىندەگى «جايلى مەكتەپ» ۇلتتىق جوباسى اياسىندا 2 مىڭ ورىندىق جاڭا مەكتەپتىڭ قۇرىلىسى باستالدى. ال جەكە ينۆەستورلاردىڭ قاراجاتى ەسەبىنەن شاعىن اۋداندا 1500 ورىندى ەكى مەكتەپ سالۋ جوسپارلانعان. «دۋماندا» 1200 ورىندى جانە حاليۋللين كوشەسى، 140 مەكەن جايىندا 300 ورىندى. 3 جوبانى ىسكە اسىرۋ مەرزىمى — 2024 جىل. ال 2024 جىلدىڭ قاڭتار ايىندا 260 ورىندى «Ikigai School» جەكەمەنشىك مەكتەبىنىڭ سپورتزالىنىڭ قۇرىلىسى اياقتالادى»، - دەدى مەدەۋ اۋدانىنىڭ اكىمى
سونىمەن قاتار، ونىڭ ايتۋىنشا، بوگەنباي باتىر كوشەسى، 42 مەكەن-جايىندا №29 مەكتەپ ءۇشىن 300 ورىندى قوسىمشا قۇرىلىس سالۋ ءۇشىن جەر ۋچاسكەسىن ساتىپ الۋ راسىمدەرى جۇرگىزىلۋدە.
ول مەدەۋ اۋدانىندا 450 ورىندى 9 جاڭا بالاباقشا اشىلىپ، جىل سوڭىنا دەيىن 1 بالاباقشا اشىلاتىنىن اتاپ ءوتتى. سونىمەن قاتار، №195 بالاباقشانى سەيسميكالىق كۇشەيتە وتىرىپ، كۇردەلى جوندەۋگە جسق ازىرلەندى.