سەبەبى، ەگيپەتتە دەنگە بەزگەگىنە ۇقساس بەلگىسىز اۋرۋ تىركەلگەن.
ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ مالىمەتىنشە، ەگيپەتتە بەلگىلەرى دەنگە بەزگەگىنە ۇقساس بەلگىسىز اۋرۋدىڭ جاعدايلارى تىركەلگەن، دەپ حابارلايدى Almaty-akshamy.kz
دەنگە بەزگەگى – ادامعا ينفەكسيا جۇقتىرعان ماسالاردىڭ شاعۋى ارقىلى بەرىلەتىن ۆيرۋستىق ينفەكسيا. اۋرۋ ادامنان ادامعا اۋا تامشىلارى ارقىلى بەرىلمەيدى.
اۋرۋ تروپيكالىق جانە سۋبتروپيكالىق ەلدەردە تارالادى. ددۇ مالىمەتتەرى بويىنشا، افريكا، امەريكا، شىعىس جەرورتا تەڭىزى، وڭتۇستىك-شىعىس ازيا جانە باتىس تىنىق مۇحيتىنىڭ 100-دەن استام ەلى ەندەميكالىق بولىپ كەلەدى.
قازاقستاندا جىل سايىن اۋرۋدىڭ جەكەلەگەن جاعدايلارى تىركەلەدى. اعىمداعى جىلى دەنگە بەزگەگى بويىنشا قولايسىز ەلدەردەن (تايلاند) كەلگەن ادامدار اراسىندا ونىڭ 2 جاعدايى تىركەلدى.
اۋرۋ دەنە تەمپەراتۋراسىنىڭ جوعارىلاۋى، باس اۋرۋى، دەنەنىڭ اۋىرۋى، جۇرەك اينۋى تۇرىندە كورىنەدى، ايتسە دە كوپ جاعدايدا اۋرۋ سيمپتومسىز وتەدى جانە ناۋقاستىڭ جاعدايى 1-2 اپتادان كەيىن جاقسارادى.