قازگيدرومەت اۋا رايىنا بايلانىستى ەسكەرتۋ جاريالادى

ەلدىڭ سولتۇستىگىندە، باتىسىندا قاتتى جاڭبىر جاۋادى، نايزاعاي، بۇرشاق، داۋىل كۇتىلەدى.

قازگيدرومەت ەل اۋماعىندا 20 شىلدەدە بولاتىن ءقاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Almaty-akshamy.kz

اتموسفەرالىق فرونتالدى بولىمدەردىڭ وتۋىمەن ەلدىڭ كوپ بولىگىندە اۋا رايىنىڭ تۇراقسىز سيپاتى ساقتالادى. ەلدىڭ سولتۇستىگىندە، باتىسىندا قاتتى جاڭبىر جاۋادى، نايزاعاي، بۇرشاق، داۋىل كۇتىلەدى. رەسپۋبليكانىڭ شىعىسىندا عانا جاۋىن-شاشىنسىز اۋا رايى بولادى. رەسپۋبليكا بويىنشا جەل كۇشەيەدى، ەلدىڭ وڭتۇستىگىندە شاڭدى داۋىل، تۇندە جانە تاڭەرتەڭ سولتۇستىك-باتىستا تۇمان تۇسەدى.

«كۇندىز جامبىل، الماتى، شىعىس قازاقستان، جەتىسۋ وبلىستارىندا، قاراعاندى وبلىسىنىڭ وڭتۇستىگىندە، اباي وبلىسىندا 35-42°س قاتتى ىستىق ساقتالادى. تۇركىستان، جامبىل، الماتى، شىعىس قازاقستان، پاۆلودار، قاراعاندى، وڭتۇستىك، شىعىس اقمولا وبلىستارىنىڭ، ۇلىتاۋ، اباي، جەتىسۋ وبلىستارىنىڭ باسىم بولىگىندە، ماڭعىستاۋ وبلىسىنىڭ سولتۇستىك-باتىسىندا، وڭتۇستىكتە، ورتالىعىندا، سولتۇستىك قازاقستان وبلىسىنىڭ شىعىسىندا، اقتوبە وبلىسىنىڭ وڭتۇستىگىندە، وڭتۇستىك-شىعىسىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، قىزىلوردا وبلىسىنىڭ شىعىسىندا، ورتالىعىندا توتەنشە ءورت ءقاۋپى ساقتالادى»، - دەپ جازدى ۆەدومستۆودان.