ق ر بعم سيفرلىق ءبىلىم بەرۋدى mail.kz پورتالىمەن بىرلەسە كۇشەيتەدى
ءبىلىم جانە عىلىم مينيسترلىگى Mail.KZ ەلەكتروندىق سەرۆيسكە ارنالعان ۇلتتىق پورتالىمەن بىرلەسىپ سيفرلىق ءبىلىم بەرۋدى كۇشەيتەدى. ول ءۇشىن تاراپتار ءتيىستى مەموراندۋمعا قول قويدى، دەپ حابارلايدى Almaty-akshamy.kz. ق ر بعم مينيسترلىگىنىڭ تاراتقان حابارىنا سىلتەمە جاساپ.
اتاپ ايتساق، بعم مەن ەلەكتروندىق سەرۆيسكە ارنالعان ۇلتتىق پورتال ءبىلىم بەرۋدىڭ سيفرلىق باعدارلامالارىن ازىرلەيدى. سونداي-اق ءبىلىم بەرۋ پلاتفورماسى مەن پايدالانۋشىلاردى اۆتوريزاسيادان وتكىزۋ بويىنشا ءبىرىڭعاي تەتىكتى ىلگەرىلەتۋ جونىندەگى ءىس-شارالاردى جۇرگىزەتىن بولادى.
«Mail.KZ پورتالىمەن ءبىز 2 جىلدان استام ۋاقىت بويى ىنتىماقتاسا جۇمىس ىستەپ كەلەمىز. قازاقستاندىق mail جوباسى ۇلكەن تەحنولوگيالىق قۋاتقا يە بولىپ وتىر. ول العاشقىلاردىڭ ءبىرى بولىپ ۇبت ناتيجەلەرىن تەكسەرۋ، رەسپۋبليكالىق كونكۋرستار، وليمپيادالار مەن باسقا دا ءىس-شارالاردى تىكەلەي ترانسلياسيالاۋ سەرۆيستەرىن ىسكە اسىرۋعا كومەكتەستى جانە كومەكتەسىپ كەلەدى. بۇل جولى ءبىز ەلەكتروندىق سەرۆيسكە ارنالعان ۇلتتىق پورتالمەن edu.kz جانە قوسىمشا ءبىلىم بەرۋ قىزمەتتەرىن، سونىمەن بىرگە ەلدىڭ بارلىق پايدالانۋشىلارى ءۇشىن وزدەرىنىڭ تەحنيكالىق مۇمكىندىكتەرىن ۇسىنادى دەپ كەلىستىك. مەموراندۋم مەرزىمسىز جانە قارجىلىق جاۋاپكەرشىككە مىندەتتەمەيدى»، - دەپ اتاپ ءوتتى ق ر ءبىلىم جانە عىلىم ۆيسە-مينيسترى رۇستەم بيعاري.
سونىمەن قاتار مەموراندۋمعا سايكەس، Mail.KZ مينيسترلىككە وتەۋسىز نەگىزدە ۇلتتىق ءبىلىم بەرۋ دەرەكتەر بازاسىمەن ينتەگراسيالانعان mail.kz ۇلتتىق پوشتا سەرۆيسىن، my.edu.kz پايدالانۋشىنىڭ جەكە كابينەتى ۇسىنادى.
مەموراندۋم قول قويىلعان كۇننەن باستاپ، ياعني 10 ماۋسىمنان باستاپ ءوز كۇشىنە ەندى.