ق ر باس مەملەكەتتىك سانيتاريا دارىگەرىنىڭ جاڭا قاۋلىسى جاريالاندى

جاڭا قاۋلى: «قىزىل» ايماقتاعى نىساندار دەمالىس كۇنى جۇمىس ىستەيدى

قۇجاتتا جازىلعانداي، «Ashyq» جوباسىنا قاتىساتىن وبەكتىلەر جۇمىس جانە دەمالىس كۇندەرى «قىزىل» جانە «قونىر قىزىل» ايماقتاردا ورنالاسقان ونىرلەردە ساعات 00.00-گە دەيىن اشىق بولادى، دەپ حابارلايدى Almaty-akshamy.kz

ال جوبا كوشباسشىلارى ءۇشىن ساعات 02.00-گە دەيىن جۇمىس ىستەۋگە رۇقسات بەرىلدى.

«سارى» ايماقتا ورنالاسقان وبلىستارداعى نىساندار ساعات 01.00-گە دەيىن، جوبا كوشباسشىلارى ساعات 03.00-گە دەيىن جۇمىس ىستەيدى. «جاسىل» ايماقتا ورنالاسقان ونىرلەردە ساعات 03.00-گە دەيىن، «Ashyq» جوباسىنىڭ كوشباسشىلارى ءۇشىن ساعات 05.00-گە دەيىن جۇمىس رەجيمى بەلگىلەندى. تالاپ بويىنشا دەمالىس كۇندەرى قىزمەتكەرلەر مەن كەلۋشىلەردە «جاسىل مارتەبە» بولۋى ءتيىس. دەسە دە «جاسىل مارتەبە» بولۋىنا جانە جۇمىس رەجيمىن شەكتەۋگە قويىلاتىن تالاپ وبلىسارالىق جانە وبلىسىشىلىك تۇراقتى تاسىمالعا، قوناق ۇيلەرگە، اۋەجايلارعا، تەمىرجول، اۆتوكولىك بەكەتتەرىنە، وزەن جانە تەڭىز پورتتارىنا، اۆتوستانسيالارعا، جولاۋشىلارعا قىزمەت كورسەتۋ پۋنكتتەرىنە، ءبىلىم بەرۋ وبەكتىلەرىنە، جوو-عا، كوللەدجدەرگە، ينتەرناتتارعا، ءبىلىم بەرۋ ۇيىمدارىنىڭ جاتاقحانالارىنا قولدانىلمايدى»، - دەلىنگەن قاۋلىدا.

مەديسينالىق ۇيىمداردا، قارتتار مەن مۇمكىندىگى شەكتەۋلى ادامدارعا ارنالعان مەديسينالىق-الەۋمەتتىك وبەكتىلەردە، بالالار ۇيلەرىندە، الەۋمەتتىك وڭالتۋ ورتالىقتارىندا سانيتارلىق-دەزينفەكسيالىق رەجيم قاتاڭ ساقتالۋى ءتيىس.

الەۋەتتى اتا-انالار بەرىلگەن كۇنىنەن باستاپ 3 تاۋلىكتەن اسپايتىن ۋاقىت وتكەن، تەرىس ناتيجەسى بار پتر ادىسىمەن COVID-19-عا زەرتحانالىق تەكسەرىلگەنى تۋرالى قۇجاتتى نەمەسە ۆاكسينانىڭ تولىق كۋرسىن العانىن راستايتىن قۇجاتتى ۇسىنعان كەزدە جەتىم بالالاردى ودان ءارى اسىراپ الۋ، قورعانشىلىقتى، قامقورشىلىقتى بەلگىلەۋ ءۇشىن بالالار ۇيلەرىنە بارا الادى.